Qazaqstandyq aralas jekpe-jek maıtalmany Shavkat Rahmonov kezekti jekpe-jeginde chempıondyq ataqqa talasady, dep habarlaıdy Qamshy.kz aqparat agenttigi Prosports.kz saıtynyń deregin negizge alyp. 

Shavkat Rahmonov 30 naýryz kúni Almaty qalasynda ótetin M-1 Challenge 101 týrnıriniń basty jekpe-jeginde óner kórsetedi.

Jeńilistiń ashshy dámin tatpaǵan otandasymyz M-1 Global tujyrymy boıynsha álem chempıony ataǵyna talasady. 77 keli salmaqta judyryqtasatyn Shavkat reseılik Danıla Prıkazamen (11-2-1) chempıondyq belbeýdi sarapqa salady.

BE STRONG promoýsheniniń vıse-prezıdenti Asylbek Dúısenov  Rahmonovtyń bedeldi uıym-UFC-diń qataryn tolyqtyrýy múmkin ekenin aıtty. 

«UFS-ge jaqyndap kelemiz. UFC Shavkatqa 4 jekpe-jekten turatyn kelisimshart usyndy. Sankt-Peterbýrgtegi 20 sáýirde ótetin UFC Fight Night 149 týrnırine qatysýǵa múmkindigi bolǵan. Alaıda, oǵan qatyssa, M-1 Challenge 101 týrnıriniń tıtýldy bas tartýǵa týra keler edi», - dedi Asylbek Dúısenov. 

Usynǵan: Ásel Bolatqyzy