Almatyda úsh jigit áńgimelesip otyrǵan qyzdardy taspen uryp tonap ketti dep jazdy Túrkistan basylymy. Oqıǵa tús meziginde Almatydaǵy Ortalyq stadıonnyń mańynda bolǵan. Áńgimelesip otyrǵan úsh qyzdy úsh jigit tý syrtynan kelip taspen uryp, baǵaly zarttaryn tonap ketken.  Bul týraly, áleýmettik jeli qoldanýshylary basylym tilshisine habarlaǵan. Kýágerlerdiń aıtýynsha, Esentaı ózeni boıynan júgirip shyqqan úsh jigit qoldaryndaǵy taspen qyzdardy bastarynan uryp, esterinen tandyryp qoldaryndaǵy sómkerlerin alyp qashqan. Jedel járdem kelgenshe qyzdardyń biri qansyrap qalǵan. Ázirge, jaralanǵan qyzdardyń qaısy emhanaǵa jetkizilgendigi jáne jaǵdaılarynyń qalaı ekendigi belgisiz. Oqıǵa ornyna jetken, Almaty qalalyq İshki ister departamentiniń mamandary oqıǵa orynyn tekserip, qylmyskerlerdi izdestirýge kirisken.