D.Balandın azamattyń avtokóliginiń aınasynyń urlaný faktisi boıynsha Almaly aýdandyq polısıa basqarmasymen QR QK-niń 188 babyna sáıkes sotqa deıingi tergeý júrgizilýde, dep habarlady Qamshy.kz aqparat agenttigine qalalyq Polısıa departamentiniń baspasóz qyzmeti.

Qalanyń Krımınaldyq polısıa basqarmasynyń qyzmetkerleriniń kómegimen osy qylmysty ashýǵa baǵyttalǵan jedel-izdestirý jáne arnaıy is-sharalar kesheni júzege asyrylýda. Qadaǵalaý kameralarynan derekter taldandy.

Qaskóıdiń jeke basy anyqtaldy. Ony qolǵa túsirý – ýaqyt enshisinde. Qazirgi ýaqytta jedel-izdestirý qyzmetkerlerimen urlanǵan aınany izdestirý jáne tárkileý boıynsha jumystar júrgizilip jatyr. Osyǵan baılanysty urlanǵan múlikti satýy múmkin degen jerler tekserilýde.

Krımınaldyq polısıa basqarmasynyń málimetinshe, kúdikti sol túni jáne sol jerde «Renj Rover» markaly avtokóliktiń aınalaryn urlap ketken. Tergeý júrgizilýde.

Almatyda osy jyly urlyqtardyń sany ótken jylmen salystyrǵanda 2,4 esege azaıǵan, «izin sýytpaı» osyǵan uqsas sıpatta urlyqtardyń jartysynan astamy anyqtaldy. Jyl basynan beri osy qylmystardy jasaǵany úshin 30-dan astam adam ustaldy, avtokólikterden urlyq jasaǵan 3 qylmystyq top beıtaraptandyryldy. 

Usynǵan: Nazerke Labıhan