Almaty polısıasy birneshe kólik urlyǵyna qatysy bar 25 jasar A.esimdi azamatty qolǵa túsirdi. Ol  tek Jetisý aýdanynda ornalasqan bóten bireýlerdiń kólikterin urlaǵan  dep habarlaıdy Qamshy.kz aqparat agenttigi Almaty qalalyq PD Baspasóz qyzmetiniń deregin negizge ala otyryp.

«Qaskóı ádeıi «Mazda-626» jáne «VAZ» markaly avtokólikterdi urlaǵan. Eski kólikterdi ashý jáne urlaý ońaı bolǵan. Keıbir avtokólikterdiń kiltteri tipti basqa avtomobılderge sáıkes keledi. Ury osy ýaqytqa deıin «Ójet» yqsham aýdanynda turyp, «Aınabulaq» yqsham aýdanynda qylmys jasaǵan. «Úıiniń arǵy kóshesinde áreket jasaǵan» deýge bolady. Urlanǵan kólik quraldaryn qaskóı, óziniń jeke maqsatynda paıdalanǵan nemese satqan. Mysaly, ol aýylǵa baryp, kólik óziniki ekenine jáne durystap atyna aýdaryp alýǵa ýaqyty bolmaǵanyna sendirip, «tapqanyn» 80-100 myń teńgege kólikti satyp, paıda tapqan. Qazirgi tańda kúdiktiniń qalanyń shetinde osyǵan uqsas 9 oqıǵasy tirkeldi. A.esimdi azamat ýaqytsha ustaý ızolátoryna qamaýǵa alyndy. Tergeý amaldary júrgizilýde», - dep habarlady, Almaty qalalyq PD Krımınaldyq polısıa basqarmasynyń bastyǵy, polısıa podpolkovnıgi Esen Ysqaqov.

Aıta ketý kerek, jumyssyz, buryn sońdy osyndaı qylmystar jasaǵany úshin sottalǵan.

Usynǵan: Farıza Jomartqyzy