Shyǵys Qazaqstanda Semeı qalasyna jaqyn mańdaǵy Holodnyı klúch eldi mekeninde ekiqabatty turǵyn úıden órt shyǵyp, eki bala kóz jumdy, dep habarlady Tótenshe jaǵdaılar komıtetiniń baspasóz qyzmeti.
Órt týraly habarlama dúısenbi, 1 sáýir kúni saǵat 14:19-de túsken. Órt birinshi qabattaǵy qonaq úıden bastalǵan – jıhaz órtengen.
"Qyzyl jalyndy sóndirý kezinde jýynatyn bólmeden 2012 jáne 2015 jyly týǵan eki balanyń máıiti tabyldy. Aldyn ala málimet boıynsha qoıý tútinniń saldarynan ıis gazynan ýlanyp qalǵan. Ata-anasy úıde bolmaı shyqty", - dep habarlady qutqarýshylar.
Sondaı-aq órt sóndirýshiler kórshilerdi qaýipsiz jerge kóshirdi. Órt saǵat 14:56-da oqshaýlanyp, 15:12-de sóndirildi.
Usynǵan: Nazerke Labıhan
