Bolat Tuńǵataruly Dıas 1995 jyly aqpan aıynyń 28 juldyzynda Almaty oblysy Raıymbek aýdany Shálkóde aýylynda týylǵan. 2004 jyly sol jaq aıaǵynda óli et paıda boldy degen dıagnozben Almaty qalasynyń oblystyq aýrýhanasyna baryp emdelip 2005 jyly aıaǵyna ota jasalyndy. Degenmen, jasalǵan emniń eshbiri paıdaǵa aspaǵannan keıin Bolat Tuńǵataruly amaldyń joǵynan Koreıa eline baryp emdelýge májbúr bolyp otyr. Qysqasy, oǵan kómek kerek.
Jaǵdaıdyń anyq-qanyǵyn bilý úshin Qamshy.kz aqparattyq agenttiginiń tilshisi Bolat Tuńǵatarulyna habarlasty.
–"Óli et paıda boldy" degen dıagnoz qoıylǵan eken. Bul aıaqtaǵy isik qalaı jáne qashan paıda boldy?
–2004 jyly aıaǵym birtindep ise bastady. Sebebin bilý úshin Almatydaǵy oblystyq aýrýhanaǵa baryp kórindik. Onda et pen teriniń arasynda óli et bar degen dıagnoz qoıyldy. Aıaqtaǵy óli etti alyp tastaý úshin 2004 jyldyń aıaǵynda ota jasalyndy. Keıin ota jasalyp, bolǵannan keıin dárigerler eshqandaı da óli et tappaǵandyǵyn aıtyp, «Aıaǵyńda eshqandaı aýrýdyń belgisi joq» — dep shyǵaryp saldy.
– Bul máselege baılanysty dárigerler ne dedi?
–Sebebin ashyp aıtqan joq. Tek óli ettiń ǵana baryn jáne ony kesip alyp tastaý kerektigin ǵana aıtty.
–Kelesi ota qashan jasaldy?
–Arada 1 jyl ýaqyt ótkennen keıin aıaqtyń odan ári isip bara jatqandyǵyn baıqadyq. Keıin qaıtadan qaratýǵa barǵanda naqty dıagnoz qoıylmady, biraq barmaǵan jerimiz qalmady. Almatydaǵy Abaı dańǵylyndaǵy onkologıalyq aýrýhanada "Sol jambastyń arterıogenezdi molformasıasy" (Arterıovenoznaıa molformasıa levogo bedra) degen dıagnoz qoıdy. Sodan keıin olar meni Syzǵanov atyndaǵy ulttyq hırýrgıa ortalyǵyna jiberdi. Ol kisiler bizge joldama jazyp, kvota jasatýymyzǵa ýaqyt berdi. Naqty dıagnoz qoıylǵannan keıin biz 2012 jyldan beri Syzǵanov aýrýhanasynda qaraldyq. Olar bizge otanyń qalaı jasalatyndyǵyn búge-shúgesine deıin túsindirdi.
«Ár 3-6 aı saıyn kelip, ota jasatyp otyrasyń. Biz tamyrlarǵa dári shashamyz. Ony bir otada jasap emdep shyǵa almaımyz. Muny ret-retimen ota jasaý arqyly emdeımiz. Shat qýyqtaǵy kúre tamyr arqyly isik turǵan jerge dári jiberip, jylyna 3 - 4 ret ota jasatýǵa týra keledi» - dedi dárigerler.
Solaı 2017 jylǵa deıin ota jasaldy.
–Osy ýaqytqa deıin qansha ret ota jasaldy?
–Onnan asa. Biraq, kólemi odan saıyn isip, ósip ketti. Em qonbady. Aıaqqa júrmeıin deseń de kúsh túsedi.
–Adam denesinde 5 lıtr qan bolatyn bolsa, sizdiń aıaǵyńyzǵa 3 lıtrden astam qan jınalǵan eken. Bul jaıynda dárigerler ne dedi?
–Sońǵy 2018 jyly qaralǵanymyzda aıaǵyma 3 lıtrden astam qan jınalǵanyn bildik. Sonyń áserinen qyzyl tamyr men kók tamyrdy bir-birine qosyp jibergen. Jınalǵan qan et pen terige ketpegen, 14-15 jyl ýaqyt ishinde tek tamyrlardyń ishinde tómen túsken qan joǵary kóterile almaı jınala bergen. Sodan keıin dárigerler "ári qaraı qolymyzdan eshteńe kelmeıdi" dep, dári jiberip, ota jasaǵannan paıda joqtyǵyn aıtty. Eshqandaı em qonbaǵannan keıin dáriger Baýyrjan Ormanov búkil hırýrgterdi jınap, Koreıaǵa baryp em qabyldaý týraly usynys aıtty.
–Elimizde emdelip shyǵý nelikten múmkin bolmady?
–Dárigerlerdiń aıtýynsha, bul aýrýdy tek tehnıkanyń kómegimen emdeýge bolady. 2-3 ret qana ota jasaıdy. Birinshi jınalǵan qandardy denege tarqatyp, tamyrdy qalpyna keltiretindigin aıtty. Ony tek Koreıa elinde tehnıkanyń kúshimen ǵana jasaıdy eken. Dárigerler bizdiń medısınada tehnıkanyń kúshi jetpegendikten, Koreıaǵa jiberetindigin aıtyp, "bul dıagnoz Qazaqstanda emdelmeıdi" degen qaǵaz jazyp berdi.
–Arnaıy oryndarǵa habarlasyp kórdińiz be? Iaǵnı, kvota jaıly, elimizden arnaıy jeńildikter arqyly em alýǵa?
–Densaýlyq saqtaý mınıstrligine osy ýaqytqa deıin jasalǵan barlyq qujattardy tapsyryp ótkizgenimizben, áli habar joq. Esh nátıje bolmaǵannan keıin halyqtan kómek suraýǵa týra keldi. Qazaq radıosy "Myń alǵys" aksıasy boıynsha aqpan aıynda 400 adamǵa arnalǵan konsert ótkizip berdi.
–Koreıada ota jasatý úshin shamamen 19 mıllıon teńge qajet eken. Áli qansha qarajat jetispeıdi?
–Áli jarty somasynan kóp qarajat kerek. Sebebi, qazirgi jınalǵany qajet qarjynyń jartysyna da jetpeıdi. Jalpy jınalǵan qarajat 5 jarym mıllıon teńge shamasynda ǵana.
–Qazirgi ýaqytta qandaı em qabyldap jatyrsyz, qaı aýrýhanada qaralyp júrsiz?
–Qazir eshqaıda qaralyp jatqan joqpyn. Jasaıtyn em qalmady, tek belgili bir jaqpa maılardy ǵana qoldanýyma týra kelip tur. Eń alańdaıtynym, eger teri juqaratyn bolsa nemese ıne tıip ketetin bolsa, onda jaǵdaı múlde qıyndap ketýi múmkin.
Bolat Tuńǵataruly Dıasqa qol ushyn berem degen jandarǵa:
IIN 950228301382
SBERBANK 5427620002649183
KASPI GOLD 5169493124475941
Dıas Bolat Tuńǵataruly
+77052691570 nemese +77073642874
