Memleket basshysy Toqaev Egemen Qazaqstan jáne Aıqyn gazetterine suhbat berdi dep jazady Qamshy.kz aqparat agenttigi. Atalmysh suhbatta prezıdent qazaq tiliniń qazirgi hal-ahýaly týraly óz pikirin bildirgen.
Qasym-Jomart Toqaev memlekettik tildiń mártebesin kóterý maqsatyndaǵy jumystardyń jalǵasyn tabatynyn aıtty.
"Qazaqtyń tili – qazaqtyń jany! Halqymyzdyń tarıhy da, taǵdyry da – tilinde. Mádenıeti men ádebıeti de, dili men dini de – tilinde. V.Radlov aıtqandaı, qazaq tili – eń taza ári baı tildiń biri. Til ótken tarıhpen ǵana emes, búgin men bolashaqty baılanystyratyn qural. Menińshe, tildiń tuǵyry da, taǵdyry da besikten, otbasynan bastalady. Otbasynda ana tilinde sóılep ósken búldirshinniń tilge degen yqylasy tereń, qurmeti bıik bolady. Osy turǵyda, balabaqshalarda, mektepterde memlekettik tildiń mártebesin kóterýdi nazarda ustaý qajet", - deıdi memleket basshysy.
Sondaı-aq prezıdent latyn grafıkasyna kóshý jumystary da kezeń-kezeńimen jalǵasyn tabatynyn jáne qoǵamdyq pikirge basa nazar aýdarylatynyn atap ótti.
"Kez kelgen ulttyń álipbı tańdaýy tek jazý úlgisin tańdaý emes. Búginde Qazaqstan halqy da zamana kóshinen qalmaı, latyn grafıkasyna negizdelgen álipbıdi tańdaýǵa bel býyp otyr. Kórshi memleketterdiń kópshiligi latyn grafıkasyn tańdady. Álemdegi aqparattardyń 90 paıyzy latyn grafıkasynda jaryq kóredi. Al aqparatqa kim ıelik etse, ǵylym men tehnologıaǵa da sol ıe bolady. Qazaq tiliniń latyn álipbıine kóshýi – rýhanı jańǵyrýdyń eń sheshýshi kezeńderiniń biri. Bul qoǵamdyq oı men sanaǵa túpkilikti ózgeris jasaıtyn qadam. Osyǵan oraı, Elbasynyń latyn álipbıine kóshý týraly jarlyǵy shyqty. Elimizde qazaq tiliniń latyn grafıkasyna negizdelgen álipbıin paıdalana bastaǵan qurylymdar bar. «Egemen Qazaqstan» gazetiniń de bir beti osy álipbımen jaryq kórip jatyr ǵoı. Latyn álipbıine kóshý kezeń-kezeńimen jalǵasa beredi. Naqty belgilengen keste bar. Sol júıeden aýytqymaımyz. Biraq qoǵamdyq pikir, álipbıdi qoldaný barysyndaǵy artyqshylyqtar men olqylyqtar eskeriledi", - deıdi Qasym-Jomart Toqaev.
Usynǵan: Ásel Bolatqyzy
