Qamshy.kz aqparat agenttigi Qaırat Lama Sharıftiń Syrtqy ister mınıstrliginiń erekshe tapsyrmalar jónindegi elshisi qyzmetine kiriskenin habarlaıdy. Elshi  bul týraly óziniń feısbýk paraqshasynda málim etken.

Qaırat Qaıyrbekuly Lama Sharıf 1962 jyly 1 qańtarda Pavlodar oblysynda dúnıege kelgen. 1990 jyly Ál-Farabı atyndaǵy Qazaq Ulttyq ýnıversıtetiniń shyǵystaný fakúltetin bitirgen. Fılolog, shyǵystanýshy. 
1993 jyldan bastap Dıplomatıalyq qyzmette - Qazaqstan Respýblıkasy Syrtqy ister mınıstrliginiń Konsýldyq basqarmasynyń úshinshi hatshysy (1993), Qazaqstan Respýblıkasynyń Egıpet Arab Respýblıkasyndaǵy Elshiliginiń úshinshi, keıin ekinshi hatshysy (1993-1996), Qazaqstan Respýblıkasy Syrtqy ister mınıstrliginiń Mádenı baılanystar, gýmanıtarlyq yntymaqtastyq jáne IýNESKO isteri jónindegi basqarmanyń ekinshi hatshysy (1996-1997), Qazaqstan Respýblıkasy Syrtqy ister mınıstrliginiń Taıaý jáne Orta Shyǵys, Afrıka basqarmasynyń ekinshi, keıin birinshi hatshysy (1997-1998), Qazaqstan Respýblıkasynyń Egıpet Arab Respýblıkasyndaǵy Elshiliginiń birinshi hatshysy, keıin Keńesshisi (1998-2002), Qazaqstan Respýblıkasy Syrtqy ister mınıstrliginiń Azıa, Taıaý Shyǵys jáne Afrıka departamentiniń bólim bastyǵy, keıin basqarma bastyǵy (2002-2003), Qazaqstan Respýblıkasy Syrtqy ister mınıstrliginiń Azıa jáne Afrıka departamenti dırektorynyń orynbasary (2003-2004), Qazaqstan Respýblıkasynyń Prezıdenti Ákimshiligi janyndaǵy Syrtqy saıasat ortalyǵynyń Bas ınspektory (2004-2006), Qazaqstan Respýblıkasynyń Dýbaı qalasyndaǵy Bas konsýly (2006). 2006 jyldyń shilde aıynan bastap Qazaqstan Respýblıkasynyń Saýd Arabıasy ‎Koróldigindegi Tótenshe jáne Ókiletti Elshisi. Ol Qazaqstan Respýblıkasynyń Islam Konferensıasy Uıymdaǵy Turaqty ókili (2006-2010), Qazaqstan Respýblıkasynyń Oman Sultanatyndaǵy Tótenshe jáne Ókiletti Elshisi qyzmetin qosa atqarýshy (2008-2010) bolǵan. 2007 jylǵy mamyr aıynan bastap Kýveıt Memleketindegi jáne 2009 jylǵy naýryz aıynan bastap Bahreın Koróldigindegi Qazaqstan Respýblıkasynyń Tótenshe jáne Ókiletti Elshisi qyzmetin qosa atqarýshy. 2011-2013 jyldary QR Din isteri agenttiginiń tóraǵasy. 2013 jyldyń qazan aıynan bastap Qazaqstan Respýblıkasynyń Birikken Arab Ámirlikterindegi Tótenshe jáne Ókiletti elshisi.

Qaırat Lama Sharıf «Arab tiliniń hrestomatıasy» (2004), «Qazaqsha-arabsha tilashar» (2005), «Qazaqstan jáne álem elderi» (2005), ‎«Qajylyq» (2010) jáne arab tilindegi «Qazaqstan - Ortalyq Azıanyń injý-marjany», ‎‎«Ekonomıkalyq damýdyń qazaqstandyq modeli», «Qazaqstan faktiler men ‎sandarda», «Qazaqstan - kópultty el» jáne «Kıiz úı - kóshpendi ‎qazaqtardyń úıi» atty kitaptardyń avtory. Sonymen qatar, onyń jalpy redaktorlyǵymen ‎Memleket basshysynyń Qazaqstan halqyna jyl saıynǵy joldaýlary, Prezıdent N.Á.Nazarbaevtyń «Qazaqstandyq jol» jáne ‎«Ǵalamdyq qoǵamdastyqty ‎túbegeıli jańartý ‎‎strategıasy jáne órkenıetter ‎seriktestigi» kitaptary, «Daǵdarystan shyǵý kilti», «Besinshi jol» jáne «Eýropadaǵy qaýipsizdik pen qaýipsizdik uıymynyń taǵdyry men ‎bolashaǵy» maqalalary, Qazaqstan ‎Respýblıkasynyń Atazańy, «Nursultan Nazarbaev - ultaralyq jáne ‎dinaralyq tatýlyqtyń qazaqstandyq úlgisiniń negizin qalaýshy» kitaby, ‎Prezıdent Q.Toqaevtyń «Qazaqstan Respýblıkasy dıplomatıasy» jáne «Nur men ‎kóleńke» kitaptary arab tilinde jáne ‎«Qazaqstan men Saýd Arabıasy: strategıalyq ‎áriptestik jolynda», «Qazaqstannyń Islam Konferensıasy Uıymyna tóraǵalyǵy jolynda» atty kitaptar orys tilinde jaryq kórdi.
Birinshi klasty keńesshi dıplomatıalyq dárejesi bar. «Qazaqstan Respýblıkasynyń Ata Zańyna 10 jyl» (2005), «Astananyń 10 jyldyǵy» (2008) jáne «Eren eńbegi úshin» (2008), «Qazaqstan Respýblıkasynyń Táýelsizdigine 20 jyl» (2011) medaldarymen marapattalǵan.