Birlesken málimdemede eki el bir-birine kúsh qoldanbaýǵa, ishki isterine aralaspaýǵa, daýly máselelerdi beıbit jolmen sheshýge, adam quqyqtary men bostandyqtaryn qorǵaýǵa, ekonomıkalyq jáne gýmanıtarlyq qatynastardy keńeıtýge ýaǵdalasqan.

Málimdemede "Taraptar "Baıqońyr" kesheni jónindegi Qazaqstan-Reseı úkimetaralyq komısıasynyń sheńberindegi, sonyń ishinde "Báıterek" ǵaryshtyq zymyran keshenin salýdyń birlesken jobasyn iske asyrý boıynsha yntymaqtastyǵyn jalǵastyrady" delingen.

Buǵan qosa "Qazaqstan men Reseı bizdiń odaqtastyq qatynastarymyzdyń, eń mańyzdy negizi bolyp tabylatyn ortaq tarıhymyzdy, eń aldymen, Ekinshi dúnıejúzilik soǵys tarıhyn burmalaý, qaıta jazý jáne "qaralaý" áreketterin qosh kórmeıtini" aıtylǵan.

Qazaqstannyń ýaqytsha prezıdenti Qasym-Jomart Toqaev sársenbi kúni Máskeýge resmı saparlap baryp, Kremlde Reseı prezıdenti Vladımır Pýtınmen kezdesken. Bul - Toqaevtyń prezıdent retinde shetelge jasaǵan alǵashqy sapary.