Polsha generaly Valdemar Skshıpchak qazirgi ýaqytta jáne bolashaqta oryn alýy múmkin saıası - áskerı oqys oqıǵalardy sarapqa sala kelip, Reseıge qatysty boljamyn aıtty. Biraq bul oryndalýy múmkin áreket pe, joq pa, ony ýaqyt kórsetedi.

Polák generaly Valdemar Skshıpchak Wirtualna Polska basylymyna bergen suhbatynda bolashaqta  Reseı tarapynan agresıalyq áreket oryn alýyn joqqa shyǵarmaıdy.

Burynyraqta  AQSH tarapy Reseı  Polshaǵa basyp kirse nemese soǵys jarıalaǵan jaǵdaıda Batystan orystarǵa ıadrolyq soqqy jasaýǵa árkez daıyn ekendigin bildirgen. Qazir de bul áreket kúshinde.  

Polák generaly «Reseı armıasyna Polshanyń qarýly kúshteri qarsy tura almaıdy, tipti orystarǵa Eýropa qurylyǵynda qarsy keletin bir -bir áskerı kúsh joq» dep esepteıdi. Sondyqtan generaldyń aıtýynsha, el  qaýipsizdigin qamtamasyz etý maqsatynda Polsha Soltústik aláns odaǵyna 1999 jyly múshelikke kirgen.

–Qazirgi ýaqytta NATO uıymynyń áskeri burynǵydaı emes, álsiz. Bir ǵana mysal, Reseı Donbass aýmaǵyna kirip, Qyrymdy anneksıalap alǵanda eýropalyqtar men NATO uıymyna múshe elder túk te isteı alǵan joq. Tek sanksıa saldy. Resmı Máskeý Soltústik alánstyń shyǵysqa qaraı jyljýyn qalamaıdy. Árıne, qazirgi ýaqytta Polsha terıtorıasynda AQSH-tyń birqatar batolony tur. Biraq bul jaǵdaıdy kúrt ózgertedi degenge sený qıyn. Jalpy NATO uıymyna múshe elder sondyqtan da Polshanyń aláns úshin mańyzy qandaı ekenin túsiný kerek, – deıdi Polsha generaly Valdemar Skshıpchak.