2019 jyldyń 4 sáýirinde Balqash qalasyndaǵy parashút munarasynyń ústine qonǵan qarǵa "Alla" dep aıqaılaǵan. Qarǵanyń mundaı daýys salǵanyn belgisiz jeli qoldanýshysy vıdeoǵa túsirip aldy. Vıdeo áleýmettik jelidegi túrli toptarǵa taralyp úlgerdi. 

"Keremet! Balqash qalasyndaǵy qarǵa "Alla" dep aıqaılap tur. Tyńdap kórińizder. Qasıetti juma kúngi duǵa-tilekterimiz qabyl bolǵaı!" - dep jazdy bir oqyrman.

Endi biri parashút munarasynyń mańyzdylyǵy jóninde jazyp ótip, qus ataýly sony sezgen deıdi. 

"Bul parashút munarasy 1934 jyly salyndy. Muny aýyldyń qarapaıym balasy eshqandaı syzbasyz qurastyryp shyqty. Munaradan talaı soǵys ardageri parashútpen sekirgen. Balqashtyqtar bul jerdi erekshe jaqsy kórdi, jıi baryp turatyn. Al qazir eshkimdi qyzyqtyrmaıdy, eskertkishti qulata ma degen úreı bar. Muny qarǵa da sezip turǵandaı", - dep jazdy taǵy bir oqyrman.

Usynǵan: Gúlim Jaqan