Taraz qalasyndaǵy "Jambyl - meniń jaı atym, xalyq - meniń shyn atym!" atty respýblıkalyq aqyndar aıtysynda Shuǵaıyp Sezimhan "jylaýyq" sheneýnikterdi synǵa aldy dep jazady Qamshy.kz aqparat agenttigi. 

Aıtysker aqynnyń Nazarbaev óz erkimen otstavkaǵa ketken kezde kóz jasyna erik bergen shendiler týraly aıtqany:

Nur aǵam Toqaevqa tór bergen edi,

Elbasy ornynan bas tartqanda, 

Kóz jaspen paıda boldy kólder kenet.

Parlamentte jylady biraz adam

Parlatyp kózdiń jasyn shermeńdeı bop,

Eı solar shynymen jylady dep,

Qarapaıym, qalyń el sengende joq. 

Sebebi álgi ártis depýtattar

Obrazǵa endi ǵoı elden erek. 

Jylasa budan buryn qaıda qaldy?!

El úshin egilgenin kórgem de joq. 

Bireýi de kóz jasyn kórsetpedi

Satylmaqshy bolǵanda jerler kenet, 

Kóńil aıtyp, kóńili bosamady

Órtenip, bes sábıi ólgende kep. 

Kóńil aıtý ornyna kerisinshe

Ózderi kináli dep kerdeńdep edi. 

Bireýi de tóbesin kórsetpedi,

Gaz jarylǵanda Tarazda elden kenet,

Ushaqta mert bolǵanda 13 adam

Qaıǵyńa ortaqtasyp kelgen de joq. 

Mine solar uıalmaı keshe ǵana

Syǵymdap eki kózin erbeńde edi.

Negizi Parlament te qazaq úshin

Qaıǵyrǵan Sherhandaıyn sherler kerek. 

Elbasy úshin ótirik eńiremeı,

Eline shyn jylaıtyn erler kerek.

Usynǵan: Ásel Bolatqyzy