Keshe Qazaqstannyń Mádenıet jáne sport mınıstrligi óziniń resmı saıtynda qazaqstandyq burymdy boksshy Fırýza Sharıpovanyń bir jekpe-jegin uıymdastyrý úshin 74 842 650 teńge bólingenin xabarlady. Bul aqsha boksshymyz Qazaqstan jerinde ekinshi jartylaı jeńil salmaqta WBS tujyrymy boıynsha álem chempıony Eva Válstremmen kezdesý uıymdastyrý úshin bólingen. Biraq túptep kelgende kezdesý de joq, aqsha ja joq.
Sharıpovanyń aıtýynsha, ol aqshany Sankt-Peterbýrg qalasynda chempıondyq belbeýin qorǵaý úshin jumsaǵan. Sol kezde qorǵady ǵoı. Biraq qazir ol chempıondyq ataǵynan aıyrylyp qaldy.
Negizi kásipqoı boksta chempıondyq belbeýin qorǵaıtyn boksshy keremet shyǵyndalmaıdy. Kerisinshe, belbeýge úmitker boksshy chempıonǵa tóleıdi. Alaıda, Sharıpovaǵa kelgende bári kerisinshe.Endi mynany qarańyz. Fırýza ketken belbeýlerdi qaıta alý úshin jáne Válstremmen kezdesý ótkizý úshin 500 myń dollar kerek deıdi. Sonda ne úshin? Joǵaryda ol belbeýin jáı qorǵaǵany úshin 200 myń dollardan asyq shyǵyndalǵan. Iaǵnı, bul jerde ol qarsylasqa da aqsha tólep, keshti de ózi uıymdastyrǵan sekildi. Endi Evaǵa úmitker boksshy retinde baryp, taǵy shyǵyndalady.Taǵy bir aıta ketetin jáıt, qarjy jekpe-jekti Qazaqstanda ótkizý úshin bólingen. Biraq kezdesý Reseıde ótken. Sonda qazaqtyń jarnamasy Reseıde kerek pe?Aıtsa aıtty, jazsa jazdy deısizder. Biraq barlyq nárseniń suraýy bar emes pe? Onyń ústine xalyqtyń aqshasy ǵoı.E-e-e meıli. Ne bolsa da Qudaı qaıyryn bersin!
Ýalıhan Qosanbaı Facebook paraqshasynan
Usynǵan: Nazerke Labıhan
Pikir qaldyrý