Qazaqstannyń Eńbek jáne halyqty áleýmettik qorǵaý mınıstri Berdibek Saparbaevtyń uly Jansultan Saparbaev Nur-Sultan qalasy Esil aýdany ákiminiń orynbasary qyzmetine taǵaıyndaldy. Bul týraly Elorda aýdany ákimdiginiń saıtynda jazylǵan dep habarlaıdy Qamshy.kz aqparat agenttigi.

Jansultan Berdikbekuly Saparbaev 1991 jyldyń 8 sáýirinde dúnıege  kelgen. L.N. Gýmılev atyndaǵy Eýrazıa ulttyq ýnıversıtetin "Halyqaralyq qatynastar" mamandyǵy boıynsha bitirdi, gýmanıtarlyq ǵylymdar magıstri dárejesi bar.

2012-2014 jyldary "Qazaqmys korporasıasy" JSHS-de ártúrli laýazymdardy ıelengen.

2015 jyly "Báıterek" ulttyq basqarýshy holdıńi" AQ basqarma tóraǵasynyń keńesshisi – hatshylyq basshysy bolyp taǵaıyndaldy.

2016 jyly "Qazyna Kapıtal Menedjment" AQ basqarýshy dırektory bolǵan.

Memlekettik qyzmettegi mansabyn 2016 jyly Qazaqstan Respýblıkasynyń ulttyq ekonomıka mınıstriniń keńesshisi bolyp bastady.

2017 jyly Ulttyq ekonomıka mınıstrligi óńirlerdi saraptaý jáne baǵalaý departamenti óńiraralyq yntymaqtastyq basqarmasynyń basshysy bolǵan.

2018 jyly Nur-Sultan qalasy Saryarqa aýdany ákiminiń apparatyn basqardy.

Usynǵan: Farıza Jomartqyzy