Nurlan Nyǵmatýlın búgin qabyldanǵan kezekten tys saılaý týraly óz ýaqytynda jasalǵan óte qajetti jáne óte mańyzdy qadam dep baǵa berdi. Bul týraly Qamshy.kz aqparat agenttigi habarlaıdy.

N. Nyǵmatýlın: Saılaý ótkizý týraly sheshim demokratıalyq kaǵıdattyń kórsetkishi. Kezekten tys saılaý ótkizý týraly sheshim ol - óz ýaqytynda jasalǵan óte qajetti jáne óte mańyzdy qadam ekeni sózsiz. Sonymen birge, ol demokratıalyq qaǵıdattarǵa tolyqtaı jaýap bere otyryp, shyn máninde, el múddesin qorǵaýǵa baǵyttalǵan. Sebebi, jalpyhalyqtyq daýys berý nátıjesinde saılanǵan, el tańdaǵan Memleket Basshysy halyqtyń senim mandatyna ıe bolady. Al, prezıdenttik saılaý kezindegi árbir azamattyń júrek qalaýy — ol Qazaqstanymyzdyń saıası baǵdarynyń turaqtylyǵy men sabaqtastyǵyn qamtamasyz etedi. Osynyń nátıjesinde, biz, Elbasymyz Nursultan Ábishuly Nazarbaev negizin qalaǵan Qazaqstannyń uzaq merzimdi damý strategıasyn tabysty júzege asyra otyryp, Tuńǵysh Prezıdentimiz salǵan sara joldy odan ári jalǵastyratyn bolamyz.

9 sáýir QR prezıdenti Qasym-Jomart Toqaev halyqqa úndeý barysynda kezekten tys saılaý ótetindigin málimdegen bolatyn. Sondaı-aı kezekten tys ótetin saılaý 2019 jyldyń 9 maýsymyna belgilengen.

Usynǵan: Farıza Jomartqyzy