Senatorlar Tájikstan-Aýǵanstan shekarasyn nyǵaıtý maqsatynda Qazaqstannyń áskerı múlik pen oq-jabdyqtaryn berýge sheshim qabyldady, dep jazady Qamshy.kz aqparat agenttigi Tengrinews.kz saıtynyń deregin negizge alyp.

«Tájikstan men Aýǵanstan shekarasyndaǵy jaǵdaı kúnnen-kúnge nasharlap barady. shekara beldeýinde kúndelikti terorıstik toptarmen qarýly qaqtyǵystar oryn alyp, olar iri kólemde esirtki kirgizýdi kózdep otyr. Sondyqtan da Tájikstanǵa áskerı múlik arqyly kómek berý óte oryndy ári Ortalyq Azıanyń qaýipsizdigin saqtaýǵa  septigin tıgizedi», - dep aıtty senator Talǵat Musabaev.

Zań jobasynda kórsetilgendeı, Qazaqstan Dýshanbe qalasyndaǵy «Rohatı» stansıasyna qarý-jaraqtardy jetkizý shyǵynyn tolyqtaı óz moıynyna alady, al Tájikstan áskerı múlikti úshinshi jaqqa  jibermeýge múddeli.

«Kelisim boıynsha Tájikstanǵa berletin áskerı múlikterdiń ishinde oq-dáriler, avıasıalyq jáne artılerıalyq jabdyqtar, bıologıalyq jáne hımıalyq qorǵaý jabdyqtary jáne medısınalyq kómek kórsetýge arnalǵan jabdyqtar bar», - dedi Talǵat Musabaev.

Onyń aıtýynsha, Tájikstanǵa áskerı oq-dári jabdyqtarmen kómek kórsetý Qazaqstannyń Qarýly kúshterine eshqandaı  keri áserin tıgizbeıdi.

Usynǵan: Nazerke Labıhan