Bul qarajattyń 70 paıyzy saılaý okrýginde jumys isteıtinderdiń jalaqysyna jumsalmaq, dep jazady Qamshy.kz aqparat agenttigi.

QR Ortalyq saılaý komısıasy kezekten tys saılaý ótkizý úshin 12 mlrd tg qarajat suraǵan. Bul jaıynda qarjy vıse-mınıstri Berik Sholpanqulov málimdedi.

«Ortalyq saılaý komısıasy 12 mlrd kóleminde qarjy suratty. Nátıjesin aldaǵy ýaqytta jarıalaıtyn bolamyz. Múmkin qarajat kólemi azaıatyn shyǵar, degenmen áli belgisiz», - dep aıtty vıse-mınıstr.

Onyń aıtýynsha, bólingen qarajattyń 70 paıyzy saılaý okrýginde jumys isteıtin qyzmetkerlerdiń jalaqysyna jumsalmaq.

«Eger barlyǵy eseptelip sheshim qabyldansa, eki kún ishinde saraptama jasap, qorytyndy jasaýǵa daıynbyz. Ótken jyly saılaý 2020 jyly ótkiziletin bolsa, oǵan 8,8 mlrd teńge qarajat jumsaýdy josparlaǵanbyz. Alaıda, eń tómengi jalaqy mólsheri ósip, kishkene ózgerister boldy», - dedi Berik Sholpanqulov.

Esterińizge sala keteıik, prezıdent Qasym-Jomart Toqaev málimdeme jasap, saılaýdyń 9 maýsymda ótetinin aıtqan bolatyn.

Usynǵan: Nazerke Labıhan