S.Toraıǵyrov atyndaǵy Pavlodar memlekettik ýnıversıtetinde jýrnalısıka mamandyǵy boıynsha HI pándik olımpıadanyń ashylý saltanaty ótti.

Shara ýnıversıtettiń ónerli jastary konserttik baǵdarlama usynyp, kelgen qonaqtarǵa tamasha kóńil-kúı syılady. Kesh aıasynda dúbirli dodaǵa respýblıkanyń ár túpkirindegi 17 JOO kelgen toptar tanystyryldy. Atap aıtatyn bolsaq, L. N. Gýmılev atyndaǵy EUÝ, Ál-Farabı atyndaǵy QazUÝ,  E.A. Bóketov atyndaǵy QarMÝ,  S.Toraıǵyrov atyndaǵy PMÝ, Abylaı han atyndaǵy Qazaq Halyqaralyq qatynastar jáne álem tilderi ýnıversıteti,  Iassaýı atyndaǵy Halyqaralyq qazaq-túrik ýnıversıteti, Súleıman Demırel atyndaǵy ýnıversıtet jáne t.b. bar.

Shyn júırikke sharshy alańda tusaý joq. Birinshi kezeńde arnaıy daıyndalǵan beınerolıkter kórsetilip, komandalar tanystyryldy.  Ekinshi kezeńde konverttegi arnaıy taqyryptarǵa esse jazyldy. Qatysýshylar shyǵarmashylyq erkindikpen kózqarasyn kórsetýge mindetteldi.

Baıqaýdyń ekinshi kúni Ertis-Baıan ólkesin tanytýǵa baǵyttalǵan beınerolıkter baıqaýymen erekshelenedi.  Olımpıada qorytyndysy 16 sáýir kúni jarıalanady. Jeńimpazdar QR Bilim jáne ǵylym mınsıtriniń jáne S.Toraıǵyrov atyndaǵy Pavlodar memlekettik ýnıversıteti rektorynyń dıplomdarymen marapattalady.