S.Toraıǵyrov atyndaǵy Pavlodar memlekettik ýnıversıtetinde jýrnalısıka mamandyǵy boıynsha HI pándik olımpıadanyń ashylý saltanaty ótti.

Shara ýnıversıtettiń ónerli jastary konserttik baǵdarlama usynyp, kelgen qonaqtarǵa tamasha kóńil-kúı syılady. Kesh aıasynda dúbirli dodaǵa respýblıkanyń ár túpkirindegi 17 JOO kelgen toptar tanystyryldy. Atap aıtatyn bolsaq, L. N. Gýmılev atyndaǵy EUÝ, Ál-Farabı atyndaǵy QazUÝ,  E.A. Bóketov atyndaǵy QarMÝ,  S.Toraıǵyrov atyndaǵy PMÝ, Abylaı han atyndaǵy Qazaq Halyqaralyq qatynastar jáne álem tilderi ýnıversıteti,  Iassaýı atyndaǵy Halyqaralyq qazaq-túrik ýnıversıteti, Súleıman Demırel atyndaǵy ýnıversıtet jáne t.b. bar.

Olımpıada  sáýir aıynyń 15-16 aralyǵynda ótkiziledi. «Uly Dalanyń ulaǵaty»  taqyrybyna ár komanda bes mınýttyq beınerolık tanystyrdy. Sondaı-aq jerebe arqyly alynǵan taqyryptarǵa sáıkes esse jazdy. Gıd stýdentter saıys qatysýshylaryna Pavlodar qalasynyń ásem jerlerin kórsetti. Ekskýrsıa barysynda Máshhúr Júsip meshiti, Buqar jyraý atyndaǵy oblystyq ádebıet jáne óner murajaıy, Ertis jaǵalaýy tanystyryldy.

Baıqaýdyń ekinshi kúninde «Qazaq jýrnalısıkasynyń tarıhy», «Jańa medıa jáne ınternet jýrnalısıka», «Teleradıojýrnalıstıka» boıynsha test suraqtary berildi. Respýblıkalyq pán olımpıadasynyń maqsaty-tórtinshi bılik ıesi, bolashaq jýrnalıserdiń tanymyn keńeıtip, sheberligin arttyrý. Jýrnalısik qabilet-qarymdy aıqyndap, otandyq BAQ-ty álemdik deńgeıge kóterý. Respýblıkalyq pán olımpıadasynyń jeńimpazdary komandalyq esepte anyqtalady. Jeńimpazdar QR Bilim jáne ǵylym mınsıtriniń jáne S.Toraıǵyrov atyndaǵy Pavlodar memlekettik ýnıversıteti rektorynyń dıplomdarymen marapattalady.