Jetisaı aýdanyndaǵy jantúrshigerlik oqıǵaǵa qatysty Bilim jáne ǵylym mınıstrligi pikir bildirdi dep jazady Qamshy.kz aqparat agenttigi. Mınıstrlik ókilderi Túrkistan oblysy Jetisaı aýdanyndaǵy jantúrshigerlik oqıǵadan keıin birneshe adamǵa qatysty qatań tártiptik jaza qoldanylǵanyn habarlady. 

"Balalarǵa qatysty zorlyq-zombylyqty ýaqytyly anyqtaý boıynsha jetkiliksiz jumys jasaǵany úshin aýdan ákiminiń orynbasary, aýdandyq bilim bóliminiń jetekshisi, mektep dırektory, mektep dırektorynyń tárbıe isi jónindegi orynbasary, mektep psıhologtary, áleýmettik pedagog jáne 3 synyp jetekshisine qatysty qatań tártiptik jaza qoldanyldy", - delingen habarlamada.

Eske sala ketsek, 17 sáýirde áleýmettik jelide Túrkistan oblysy, Jetisaı qalasyndaǵy 28 jastaǵy áıel adamnyń kámelet jasqa tolmaǵan úsh qyzǵa zorlyq-zombylyq kórsetkeni týraly aqparat, beınefoto materıaldar tarap, qyzý talqyǵy túsken bolatyn.  Atalǵan oqıǵa boıynsha quqyq qorǵaý organdarynyń qyzmetkerleri qylmystyq is qozǵap, tergeý amaldaryn júrgizýde.