Adamnyń ahýaly qalyptasqan daǵdy boıynsha ústindegi kıimi, astyndaǵy kóligi, qolyndaǵy smartfony jáne úı-jaıy sekildi dúnıelerge qarap baǵalanady.

Máselen, úı ishindegi jaǵdaı, jınaqylyq, jıhazdardyń neese túrli turmystyq zattardyń ornalasý tártibi onyń qojaıyny haqynda birshama nárseni aıtyp beredi.  Mysaly, tońaztqyshtaǵy magnıtter qojaıynnyń saıahatty súıetinin, ústel ústinde paraqtardyń burqyrap jatýy shyǵarmashylyq adamy ekenin, jumsaq oıynshyqtar onyń názik jandy ekenin, appaq tósenish pen mamyq jıhazdar aýqatty ekenin baıqatady.

Biz úı ishiniń, qojaıynnyń kedeılik sıpatyn kórsetetin 5 qaǵıdany ataıyq. Ári qaraı oqyńyz.

1. Ataqty kartınalardyń kóshirmesi

Qansha ataqty bolǵanymen, kez-kelgen dúnıeniń kóshirmesi kóshirme dárejesinde qalmaq. Al sizdiń tósegińizdiń nemese jumys ústelińizdiń joǵary jaǵynda jıeginde «qaraǵaıly kóldegi tań shapaǵy» kartınasy altyn jalatqan jaqtaýdyń ishinde tursa, sizdiń baılyqqa umtylatynyńyz kórinis beredi.

Baılardyń ádetinshe, kóshirme dúnıelerdi paıdalanbaýǵa tyrysqanyńyz jón. Bul úrdis sizdi avtomatty túrde ekinshi sanatqa ysyryp tastaıdy.

2. Eski ári jaısyz tósek

Kez-kelgen isker adamnyń oıyna úzdik jobalar, batyl sheshimder súıikti tóseginde jatqanda keledi. Jaıly ári ádemi kereýet – siz úshin mańyzdy dúnıe.

Eger kereýetińiz ákeden mura bolyp qalǵan nemese qandaı da bir sebeptermen siz úshin mańyzy bar eski tósek bolsa, ol da másele emes. Ádemi ári qymbat kórinetin jabý jasatyp, jumsaq tósenishter tóseseńiz jetkilikti.

Eski tósek-orynnyń úıge sán bermeıtini bir sebep bolsa, ekinshi sebep – mundaı kereýette jatý densaýlyqqa aıtarlyqtaı zıan ákeledi.

3. Synyq nemese eskirgen ydys-aıaq

Kedeılikke beıim bolatyn adamnyń bir qasıeti – qımastyq, sarańdyq. Eger siz as ishetin tabaqshanyń jıegine altyn jalatylǵan bolyp, biraq onyń sheti kertilgen nemese kishkene synyǵy kórinip tursa, qoqysqa tastaǵanyńyz jón. Sondaı-aq, ishi qaraıǵa kese, tot basqan qasyq degendeı dúnıelerdi saqtaýdyń máni joq.

4. Las nemese qoldanylmaıtyn zattarǵa toly balkon

Balkon – adamdardyń kópshiliginde oı jınaqtap, mıyna demalys syılaıtyn oryn. Onyń ishi qapshyqqa túıilgen eski-qusqy zattarǵa, kıilmeıtin aıaq kıimder men qoldanylmaıtyn múlikterge toly bolsa, siz odan lázzat ala almaısyz.

Baı adamdar daǵdysynda balkonda kofe ishetin ústel nemese kishigirim jaryqsúıgish gúlder ornalasady.

5. Lux klasyndaǵy tehnıkalar

Bizdiń qoǵamda eski úlgidegi qabyrǵaǵa sońǵy modeldegi teledıdar ilý, qolǵa smartfonnyń qymbatyn ustaý úrdisi qalyptasqan. Qazaqta «Teń teńimen, tezek qabymen» degen sóz bar. Jan-jaǵyńyz tehnıkańyzǵa saı bolmasa, ol eshqandaı keremettiń kórinisi emes.

Bul kórinis sizdiń nesıe alǵysh qasıetińizdi, tirnektep jınaıtynyńyzdy aıǵaqtaıdy.

Kelgen qonaǵyńyzdyń tańdaıyn qaqtyryp, jaılylyq syılaǵyńyz kelse, úıińizden demalǵyńyz kelse, biz usynǵan qulaqqaǵystarǵa nazar aýdaryńyz.