Altynbek Qorazbaev «Dos-Muqasan» tobynyń ánshisi Murat Qusaıynovtyń «EırAstanamen» týyndaǵan oqıǵasyna qatysty óz pikirin bildirdi, dep habarlady QR Sport jáne mádenıet mınıstrliginiń baspasóz qyzmeti Qamshy.kz aqparat agenttigine.

«Men Muratpen 40 jyldan beri dospyn, áriptespin. Talaı ańyzǵa aınalǵan konsertterdi birge jasadyq. «Dos-Muqasan»  eldegi ańyz top, al Murat – ańyz adam. Atyraýda osy topqa arnap eskertkish ornatyp qurmettep jatyr, qaı óńirge barmaıyn, únemi tórine shyǵaryp syılaıdy. Osyndaı qurmetti syıly adam bireýdi urypty, bireýmen kelispeı qalypty degenge sengim kelmeıdi. Qandaı jaǵdaı bolmasyn, men Muratty qoldaımyn. Sebebi qazir kishkene túsinispeýshilik týyndap qalsa boldy, óner adamdaryn qaralaýǵa daıyn turady. Murat zamandasym bireýdi orynsyz renjitip qoıatyn adamdardyń qatarynan emes. Sondyqtan halqymdy qandaı jaǵdaı bolmasyn keshirimmen qaraýǵa, el asa baǵalaıtyn mundaı azamattardy qurmetteýge shaqyramyn», - dedi qazaqstandyq kompozıtor, ánshi, Qazaqstan halyq ártisi, Memlekettik syılyqtyń ıegeri Altynbek Qorazbaev.

Usynǵan: Nazerke Labıhan