Halyqaralyq ǵalymdar toby nan ónimderin ázirleý barysynda paıdalanylatyn propıonatty tutyný gormondardyń qalypty qyzmetin buzady dep dabyl qaqty. Aıtýlarynsha, bul qospa dıabetke alyp keledi dep habarlaıdy Lenta.ru saıtyna silteme jasap.

Tájirıbe jasaý barysynda ǵalymdar álgi qospany aǵzanyń bulshyq etterine qalaı áser etetinin anyqtady. Nátıjesinde, propıonat júıke talshyqtarynyń belsendiligin kúsheıtip, glúkagon, noradrenalın jáne basqa gormondardyń erekshe jumys jasaı bastaıtyny anyqtaldy. Al bul dúnıeler qant dıabetine alyp keledi.

Tájirıbeniń ekinshi tobyna óz erkimen 14 adam qatysty. Olar eki topqa bólinip, propıonat qosylǵan jáne qosylmaǵan taǵamdardy tutyndy. Nan ónimderin tutynbas buryn eki toptyń da múshelerinen qan alynda. Artynsha 15 mınýttan keıin, sosyn tórt saǵat boıy árbir 30 mınýt saıyn tekserý júrgizilip otyrdy. Qorytyndysynda propıonat metobolızm qaǵıdalaryn buzyp, gormondardyń kúsheıýine ákelip soǵatyny anyqtaldy.

Statısıkaǵa súıensek, álemde 400 mıllıon adam qant dıabetinen zardap shegýde. Bul derttiń aldyn alý sharalary qatań saqtalýyna qarmastan, 2040 jylǵa qaraı dıabetiniń deńgeıi 40 paıyzǵa deıin ósýi múmkin.

Aýdarǵan: Ádilet Mádenıet