26 sáýirde Atyraý oblysyndaǵy qalalyq, aýdandyq, aýyldyq ákimdikterde, bilim berý, densaýlyq saqtaý, sport jáne áleýmettik mekemelerde ashyq esik kúni ótti, dep habarlaıdy Qamshy.kz aqparat agenttigi Óńirlik komýnıkasıalar qyzmetiniń deregin negizge alyp.
Ashyq esik kúnine jalpy sany 1770 adam qatysyp, 1700-den astam saýal qoıyldy. Ákimdikter «Ashyq esik kúnin» memlekettik qyzmet jármeńkesi qaǵıdasy boıynsha uıymdastyryp, kezdesýler ótkizdi.
— Aımaq basshysy Nurlan Noǵaevtyń tapsyrmasymen barlyq áleýmettik mekemelerde kezdesýler ótti. Sharanyń maqsaty - memlekettik organdar men áleýmettik mekemelerdiń turǵyndarmen ózara baılanysyn nyǵaıtý,- dep habarlady Atyraý oblysy ákimdiginiń baspasóz qyzmeti.
Aıta keteıik, Ashyq esik kúnderi ár aıdyń sońǵy jumasynda ótedi.
Jurtshylyq pen memlekettik organdar arasyndaǵy ózara baılanysty jaqsartý baǵytynda qala men aýdandardyń ákimderine aı saıyq Ashyq esik kúnin uıymdastyrý týraly tapsyrma berilgen bolatyn. Bul bastamany Atyraý oblysynyń ákimi 2019 jyldyń qańtarynda Jylyoı aýdanynda ótken kóshpeli otyrysta aıtty. Sonymen qatar, Qazaqstan Prezıdenti Qasym-Jomart Toqaev oblys ákimderimen jınalysta barlyq deńgeıdegi ákimderge halyqpen jıi kezdesip turý týraly tapsyrma berdi.
Usynǵan: Ásel Bolatqyzy
