«Jas Eýropa» halyqaralyq án baıqaýynda almatylyq Temirlan Ósimqul júldeli birinshi oryndy ıelendi dep habarlaıdy Qamshy.kz aqparat agenttigi 24.kz telearnasynyń saıtyna silteme jasap.

12 jastaǵy jerlesimiz halyq áni «Daıdıdaýdy» oryndap, qazylar alqasyn tańdaı qaqtyrdy.

Dástúrli konkýrs bıyl 12-ret Kıev qalasynda uıymdastyryldy. Oǵan álemniń 9 elinen 80 jýyq ónerpaz qatysqan. Jas Eýropa» halyqaralyq án baıqaýy bıyl «avtorlyq», «ulttyq», «álemdik hıt», «halyq áni» jáne «akademıalyq vokal» dep atalǵan bes atalym boıynsha ótti.

Qazaqstandyq Temirlan Ósimqul «halyq áni» atalymy boıynsha úzdik shyqty.

Temirlan Ósimqul, «Jas Eýropa» halyqaralyq án baıqaýynyń jeńimpazy: - Qobaljý boldy shyǵardyń aldynda. Biraq odan keıin bári ótti, ánimdi jaqsy aıttym. Kóńil-kúıim keremet. Mundaı konkýrstarǵa shyqqanmyn, biraq shetelge birinshi ret shyǵyp turmyn. Men búgin halyqtyń ánin «Daıdıdaýdy» aıttym.

Qarlyǵash Ábdikárimova, ádil qazylar alqasynyń múshesi, QR Mádenıet qaıratkeri: - Byltyr biz kelgen bolatynbyz osynda. Onda da bizdiń balalar óte tamasha án aıtyp, oryn alyp qaıtqan bolatyn. Endi bıyl da minekeı balalarymyz óte tamasha ánderin ózderiniń aıtyp, onyń ústine biz bıyl kádimgideı jaqsylap daıyndap keldik. Bıyl byltyrǵy balalardan da kishkene joǵarylaý balalardy alyp keldik shynyn aıtý kerek. Bul balalardyń ózi halyqaralyq konkýrstan da oryn alǵan balalar. Sondyqtan da qazir osy jerde de bizdiń kóńilimizden shyǵyp otyr. Ózderiniń óleńderin óz tilinde aıtty daǵy, eki qyzymyz ýkraın tilinde, balamyz ıtalán tilinde án aıtty.

Usynǵan: Maqpal Sembaı