Amerıkalyq Marvel kınostýdıasy túsirgen fantasıkalyq fılm qysqa ýaqyttyń ishinde 2,189 mlrd dollar túsim túsirgen dep habarlaıdy Qamshy.kz aqparat agenttigi. Bul týraly kompanıanyń resmı saıtynda aıtyldy.

"Kek alýshylar" fılmi álemdik kıno tarıhynda 2 mlrd dollar kasa jınaǵan besinshi fılm. Onymen qosa,atalmysh kınokartına bul kórsetkishti basqa fılmderge qaraǵanda jyldam baǵyndyrǵan. Úzdik bestiktiń qataryna qosylý úshin "Kek alýshylar" fılmine bar bolǵany 11 kún ýaqyt qajet bolǵan.

Álemdegi rekordtyq kasa jınaǵan fılmderdiń qatarynda "Avatar"(2,788 mlrd dollar), "Tıtanık"(2,187 mlrd dollar), "Zvózdnye voıny: Probýjdenıe sıly" (2,068 mlrd dollar) jáne "Mstıtelı: Voına beskonechnostı" (2,048 mlrd dollar) fılmderi bar. Osylaısha, 24-sáýirde qalyń kórermenge jol tartqan týyndy qarjy túsirý jaǵynan tek qana Djeıms Kemeronnyń «Avatar» fılmine ǵana jol berip tur.

Daıyndaǵan: Dáýren Sybanbaı