Qytaı jańa ıadrolyq kelisim jasaý úshin Reseı jáne AQSH-pen ótetin kelissózderden bas tartty. Bul týraly QHR SİM ókili Gen Shýan sózin negizge ala otyryp RIA Novostı habarlady dep jazady Qamshy.kz aqparat agenttigi.

"Biz ıadrolyq qarýdy joıý taqyryby boıynsha úsh jaqty kelissózderge qatyspaımyz", - dedi dıplomat. Onyń aıtýynsha, Qytaı qandaı jaǵdaıda da ózderiniń atynan ózge taraptyń sóılegenine qarsy.

Osydan birshama ýaqyt buryn AQSH basshylyǵynyń anonımdi ókilderiniń aıtýy boıynsha, Tramp jaqyn arada jańadan "óte aýqymdy ıadrolyq kelisimshart" jasaýǵa umtylýda. Amerıkalyq prezıdenttiń qazirgi bet alǵan baǵytyna qarsaq, ıadrolyq qarýdyń barlyǵy úsh elde ǵana, ıaǵnı, Reseı, AQSH jáne Qytaıda bolýy tıis. Sonymen qatar, álemdik ıadrolyq qarý máselesin de osy úsh el qadaǵalaýy shart eken-mys. Máskeý amerıkalyq prezıdenttiń bul usynysyna ket ári emes.

Strategıalyq shabýyl qarýlaryn shekteý jónindegi kelisimge sáıkes, AQSH pen Reseı 2018 jyldyń 5-aqpanyna deıin ıadrolyq qarý mólsherin 1550-den asyrmaýy tıis edi. Kelisimsharttyń 2021 jyly aıaqtalady.

Aýdarǵan: Ádilet Mádenıet