Amerıkanyń Kolorado shtatynyń Haılends-Ranch eldi mekenindegi STEM School Highlands Ranch mektebinde atys boldy dep habarlaıdy Qamshy.kz aqparat agenttigi CNN telearnasynyń taratqan málimetterine súıenip.
Oqıǵa ornynda 8 adam jaraqat alyp, bir oqýshy qaıtys boldy. Kúágerlerdiń aıtýynsha, eki oqýshy mektepke qarý alyp kirip, eki jaqtan oq jaýdyra bastaǵan.
Oqıǵa jergilikti ýaqyt boıynsha 14:00-de bolǵan (astana ýaqytymen 2:00 – red.). Atys bolǵan mektepke jetken tótenshe jaǵdaılar qyzmetkerleri dereý oqýshylardy evakýasıalaǵan. Telearnanyń derekterine súıensek, mektepte barlyǵy 1850 adam oqıdy.
Okrýg sherıfi Dýglas Tonı Sperloktiń aıtýynsha, polısıa oqıǵa ornyna eki mınýttyń ishinde jetken.
Sonymen qatar kúdikti eki adam ustaldy. Olardyń ekeýi de oqýshy.Quqyq qorǵaý organdary bul iske taǵy úshinshi adamnyń qatysy bar bolýy múmkin degen derekti joqqa shyǵarmaıdy. Qazirgi tańda izdestirý jumystary júrgizilip, oqıǵanyń mán-jaıy tekserilip jatyr. Ázirge kúdiktilerdiń ne sebepti bulaı jasaǵany belgisiz. Sonymen qatar, avtoturaqtan kúdiktilerdiń kóligi anyqtalǵan.
«Men mektepten júgirip bara jatqan adamdardy baıqadym da, dene shynyqtyrý sabaǵy bolar dep oıladym. Biraq mektepten barlyǵy qasha bastady», - deıdi mekteptiń mańynda turatyn kýágerdiń biri.
Esterińizge sala ketsek, STEM School Highlands Ranch mektebi 1999 jyly 20 sáýirde dál osyndaı qaıǵyly oqıǵa bolǵan «Kolýmbaın» mektebiniń janynda ornalasqan.
Usynǵan: Marjan Sábet
