Bas prokýratýranyń orynbasary zańsyz mıtıńige qatysty úndeý jarıalady dep jazady Qamshy.kz aqparat agenttigi QR Bas prokýratýrasynyń resmı saıtyna silteme jasaı otyryp. 

"Áleýmettik jeliler men messendjerlerde a.j. 9 mamyrda zańsyz mıtıńke qatysýǵa úgitteýde. Bas prokýratýra budan buryn osyndaı zańsyz jarıaly aksıalar uıymdastyrǵany jáne qatysqany úshin jaýaptylyqty eskertken bolatyn.

Alaıda a.j. 1 mamyrda keıbir azamattar ýákiletti memlekettik organdar qyzmetkerleri ákimshilik jaýaptylyqqa tartylatynyn túsindirgenin elemeı, zańsyz mıtıńilerge shyǵyp, ákimshilik jaýaptylyqqa tartyldy.

Olardyń quqyqtyq tártipke qaıshy is-áreketterinen azamattardyń demalýyna jáne tynyshtyǵyna qaýip tóndi.

Osyǵan baılanysty mıtıńiler uıymdastyrýdyń jáne ótkizýdiń zańdy tártibin buzýǵa jol berilmeıtinine nazar aýdaramyz.

Quqyq buzýshylyqqa kináliler zań aldynda qatań jaýap beretin bolady.

Qoǵamdyq qaýipsizdik pen quqyqtyq tártipti qamtamasyz etý, sondaı-aq azamattardyń quqyqtary men bostandyqtaryn qorǵaý maqsatynda Bas prokýratýra arandatýshylyqqa berilmeýge jáne memlekettiń zańdaryn buzbaýǵa shaqyrady", - delingen habarlamada.

Usynǵan: Ásel Bolatqyzy