Bos plakatpen turǵan belsendini qamaýǵa alǵan Oral polısıasy túsinik berý úshin prokýratýraǵa júgindi dep habarlaıdy Qamshy.kz aqparat agenttigi «Ýralskaıa nedelá» saıtyna silteme jasap.
Polıseılerdiń oıynsha, belsendi "óz oıyn" bildirgeni úshin kináli. Sony dáleldep, kvalıfıkasıalaý úshin prokýrordyń kómegi kerek.
Esterińizge sala keteıik, Oralda 22 jastaǵy Aslan Saǵýtdınov bos plakatpen turǵany úshin qamaýǵa alynyp, jarty saǵattan keıin qaıta bostandyqqa shyqty. Biraq kelesi kúni polıseıler onyń is-qımyldarynda beıbit mıtıń ótkizý týraly zań buzýshylyq áreketteri bar dep qaıtadan qamaýǵa alyndy.
"6-mamyr kúni saǵat 11.00 – de "102" operator púltine Abaı atyndaǵy alańda qolynda plakaty bar belgisiz er adamnyń turǵany jaıly, qasyna adamdar jınalyp jatqandyǵy týraly qońyraý kelip tústi.Ony patrúldik polısıa narády Oral qalasy İİB Abaı polısıa bólimine jetkizdi. Jeke basy men plakatpen shyǵý sebepteri anyqtalǵannan keıin 22 jastaǵy oblys turǵyny İİB ǵımaratynan ketti. Bul rette polısıa qyzmetkerleri Zań aıasynda áreket etken. Onyń is-áreketterinde QR ÁQBtK-niń 488-babynda kózdelgen ákimshilik quqyq buzýshylyq quramynyń belgileri qaralady. Qazirgi ýaqytta materıal prokýratýraǵa zańdyq baǵa berý úshin jiberildi", — delingen BQO polısıa departamentiniń baspasóz habarlamasynda.
Polısıa Departamentiniń baspasóz qyzmetiniń jetekshisi Bolatbek Beldibekov aıtýynsha, Aslan Saǵýtdınov bos plakat úshin emes, óz pikirin bildirgeni úshin quryqtady.
"Quqyq buzýshylyqty jasaýdyń obektıvti jaǵy olardyń bos plakatty kórsetý emes, "Qazaqstanda demokratıa men sóz bostandyǵynyń joqtyǵy týraly" saıası pikirleri bolyp tabylady, ol qoǵamdyq orynda óz pikirin bildirdi", — dedi Bolatbek Beldibekov.
Aýdarǵan: Adılchenov Ildar
