Brıtandyq ǵalymdar kóńilsiz oılar men kúızeliske jıi túsýdiń saldary tek qana psıhologıalyq jaǵdaıyńyzǵa ǵana emes, symbatyńyzǵa da syzat túsiretinin anyqtaǵan dep habarlaıdy Qamshy.kz aqparat agenttigi.
Bettiń solǵyn tartýy, ájim túsýi, teriniń tez jıyrylýy – bunyń barlyǵy ózińizdi kún saıyn jegideı jegen oılardyń jeteginde ketken kezde paıda bolatyn keri áserlerdiń tolyq emes tizimi. Óıtkeni ishki oıyńyz aınalańyzdaǵy adamdardyń sizdi qalaı qabyldaıtynyna áser etedi. Sonymen qatar, ǵalymdar onyń qandaı oılar ekenin anyqtap, sizdi tartymsyz etip kórsetetin 7 oıdan arylýǵa shaqyrady.
Ózińdi únemi aıaý jáne aınaladaǵy oqıǵalarǵa jıi shaǵymdaný
Esińizde saqtańyz, únemi unjyrǵańyz túsip, meniń eshqashan jolym bolmaıdy dep shaǵymdana berý eshkimge jaqsylyq ákelmegen. Ásirese, áıelderge... Sol úshin uıqym qanbady, ne bolmasa eńbegimdi eshkim baǵalamady degen oılarǵa ere bermeńiz.
Ár kúnińizdi kóńildi oılarmen bastańyz – súıikti ánińizdi tyńdańyz, jeńil makıaj jasańyz, ádemi kıim kıińiz. Sonymen qatar, túngi 12-de jatyp, tańǵy 8-de turatyndaı etip kúnińizdi josparlańyz. Kúndelikti sporttyq jattyǵýlar jasaýdy da umyt qaldyrmańyz. Sol kezde shaǵymdanýǵa ýaqyt tappaı qalasyz.
Ózińdi baǵalamaý
Eger siz kún saıyn aınanyń aldynda turyp, «dene bitimim minsiz emes» degen oıǵa jol berseńiz, ómirde mahabbatyńyzdy jolyqtyryp, baqytty bola almaısyz. Álbette, názik jandylardyń 80%-y ózderine kóńili tolmaıdy. Sol sebepti ózińizdiń kemshiligińizdi jaqsy kórip, kerisinshe artyq tustaryńyzdy baǵalaýdy úırenińiz.
Ashý men adamdarmen jıi qaqtyǵysý
Únemi ashýlanyp, janyńdaǵy adamdardan ashýyńdy alyp júretin bolsańyz denińiz de saý bolmaıdy, symbatyńyz da kelispeıdi. Ashý sizdiń densaýlyǵyńyzǵa psıhologıalyq jaǵynan da, fızıkalyq jaǵynan da óte zıan. Eger ashý qyssa, tereń tynystap aınalańyzda bolyp jatqan jaqsy jańalyqtarǵa qulaq túrińiz. Sonymen qatar, sizdi shyn máninde baqytqa bóleıtin ispen aınalysýǵa tyrysyńyz.
Joq jerden problema izdeý
Deneńizdegi artyq salmaq pen betińizdegi ájimdi ýaıymdaýdyń qajeti joq. Adamdardyń barlyǵy ár túrli siz úshin problema bolyp sanalatyn kemshilikter, bireý úshin múldem basqasha bolýy múmkin. Óıtkeni biz kompleksterdi joq jerden ózimiz taýyp alamyz. Sóıtip boıymyzda senimsizdik paıda bolady. Bul ádetpen kúresińiz. Siz ózińizge senimdi bolsańyz, sizdiń túrińiz de ajarlana túsedi.
Ótken kúnderge ókiný
Jastyq shaq ótedi. Oǵan siz eshteńe isteı almaısyz. Alaıda qazirgi ádisterdiń arqasynda únemi ádemi bolyp júrýge barlyq jaǵdaı jasalǵan. Tipti 50-60 jastaǵy kisiler ózderin kútip, salaýatty ómir saltyn saqtap ádemi bolýǵa umtylyp júr. Olardyń sulýlyǵy jastardan kem túspeıdi. Sol úshin ótken kúnderdi oılap, kúızeliske túsýdiń qajeti joq. Psıhologtar qazirgi sátpen ómir súrýge keńes beredi.
Kúndelikti kúıbeń tirshilik
Tirshilikten qashyp qutyla almaısyń. Keıde, oılasaq shashymyz aǵaratyn ister jınalyp qalýy múmkin. Ondaı oılardy sanamyzda saqtamaı, alaıda mańyzdy isterdi umytyp ketpeý úshin, mobıldi qosymshalardy paıdalanýǵa keńes beredi. Qazir zaman talabyna saı ondaı mobıldi qosymshalardyń sany jetip artylady. Sol sebepti siz úshin tehnıka qyzmet etsin. Al siz tek jaqsylyq oılańyz.
Ózgelerdi kóre almaý
Ózgeler menen jaqsy ómir súrip jatyr degen oıdyń ózi sizdiń kóńil-kúıińizdi buzyp, sulýlyǵyńyzǵa keri áserin tıgizýi múmkin. Qazirgi tańda áleýmettik jeliler arqyly baı-qýatty ómir súretin adamdardyń paraqshasyn aqtaryp otyryp sondaı oıǵa keterińiz anyq. Ǵalymdar shetten tys kóre almaýshylyq tez qartaıýǵa aparyp soqtyrady deıdi. Sol sebepti ózgelerdiń jeńisine shynaıy qýanyp úırenińiz. Sonda ǵana oıyńyz durystalyp, siz de belgili bir jetistikterge jete bastaısyz.
Daıyndaǵan: Marjan Sábet
