Janar Baısemizova birer kún buryn ınstagram jelisindegi paraqshasynda oraza amalynyń Quranda joq ekenin jazyp, kópshiliktiń qyzý synyna ushyrady dep habarlaıdy Qamshy.kz aqparat agenttigi.

Belgili telejýrnalıst, "Sheteldegi qazaq balalary" atty avtorlyq jobasymen kóptiń kóńilinen shyqqan Janar Baısemizova búginde kópshilikke rýhanı azyq syılaıtyn motıvator retinde tanylyp júrgen edi. Áleýmettik jelidegi 125 myń oqyrmanyn túrli paıdaly keńester men jaǵymdy jańalyqtarymen qýantyp júrgen telejýrnalıstiń sońǵy jazbasy kópshiliktiń shamyna tıdi.

Atam zamannan qazaq halqy bes paryzdyń biri dep, otyz kún tutyp kele jatqan orazany joqqa shyǵaryp, on kún ustasa de jetkilikti degen telejýrnalısti qalyń oqyrmany túrli pikirmen synap jatyr. 

Munyń aldynda da býdda dinindegi áldebir senim týraly sóz qozǵaı kele, "7-mamyr -osy jyldaǵy eń ǵajaıyp kún. AKSHAIa-TRITÁ dep atalady" dep, ol kúni ne isteý kerek, qandaı amal jasaý kerektigin tikeleı efırde aıtamyn dep, taǵy da synǵa ushyraǵan bolatyn. 

 

 

 

Posmotret etý pýblıkasıý v Instagram

 

 

7-mamyr -osy jyldaǵy eń ǵajaıyp kún. AKSHAIa-TRITÁ dep atalady. Dál osy kúni AI men KÚN erekshe jomarttyq tanytyp, Jerge qaıyrly, jaǵymdy energıa tógedi. Akshaıa Trıtá keremet astrologıalyq múmkindikti darytyp, molshylyqty eselendiredi. Ejelgi sanskrıt tilinen aýdarǵanda akshaıa sózi máńgilik, jeńilmeıtin, ólmeıtin, buzylmaıtyn degen maǵynaǵa ıe. Al, trıtá sózi Aıdyń úshinshi kúni degen maǵyna beredi. Iaǵnı bul kún kez-kelgen bastama úshin óte tamasha bolmaq. Osylaısha Akshaıa Trıtáda bastaǵan mańyzdy isińiz nátıjeli bolyp, uzaq merzimge jemisin beredi. Tabysqa kenelesiz. Dál osy kúni Jer betine jaıylatyn alapat energıany paıdalanýǵa shaqyramyn. Sonymen bul kúni ne istep, ne bastaǵanymyz abzal? Tolyǵyraq #TikeleıefırdeBaısemizde aıtylady. Erteń, 3-mamyr, ádettegideı bester shamasynda. Sizderge qyzyq bolsa, laık basyp, komment qaldyryńyzdar ??? . #Menbárinebaqyttileımin #JanarBaısemizdińRýhanıpraktıkasy

Pýblıkasıa ot Janar Baısemiz-Kolesnıkova (@janar_baisemizova) 2 Maı 2019 v 8:05 PDT

Óziniń basqa dinı aǵymda ekenin jazbalarynan baıqatyp qoıdy degen oı keıbir oqyrmannyń kókeıinde týyndaǵany anyq. 

Qalyń synı pikirdiń astynda qalǵan Janar Baısemizova bul jazbany belgili bir sary basylymnan kóshirip alǵanyn aıtyp, tipti siltemesin qaldyrǵan. Alaıda, silteme boıynsha kirseń, eshnárse tappaısyń.

Janar hanymnyń dál oraza kezinde jazǵan bul jazbasyn kópshilik "jaýdy syrtta desek, óz ishimizde eken ǵoı" degen oı túıýge ıtermeledi.  Qarapaıym halyq pen elge belgili óner adamdary da Janar hanymnyń bul áreketin teris pıǵylǵa balady. 

Jazbanyń astarynda jazba avtorynyń da oıy jatqany onsyz da túsinikti. Óıtpegen jaǵdaıda, ol birneshe jaǵymsyz pikirden keıin-aq jazbany alyp tastar edi.

«Erteń bir oıyńyzdy jınaqtap post shyǵarasyz degen úmittemin. Myna jazba sizdiki emes. Sizdiń jazbalaryńyz Allaǵa jaqyn. Jáne byltyr ózińiz oraza ustap, ony 10 kún emes 30kún ustaǵanyńyz anyq esimde. Bıylda solaı bolar», «Janar hanym, joq jerden jańalyq ashý unaıdy-aý sizge... Onsyzda eki oıly bop júrgender shyn qabyldap qalyp, qansha adamdy adasýyna sebep bop qalmańyzshy... Oraza- bes paryzdyń biri», «Mynany xaıp kózdep jazsańyz da... Aqylsyzdyqtyń eń joǵarǵy satysynda jazdyńyz!», «Mynaý taza aljýdyń aldyndaǵy sındrom. Alla saqtasyn mundaı adasýdan»- degen pikirler jańbyrdan keıingi sańyraýqulaqtaı qaptap ketti.

Al, bul pikirtalasqa aıtysker aqyn Aınur Tursynbaeva «Oraza Allanyń paryz etken amaly» dep óz pikirin qaldyryp, psıholog Quralaı hanym men jýrnalıs Asqat Sadyrbaı sabyrǵa kelip, bul jazbasyn jeliden alyp tastaýyn ótinip: «Qaıyrly kún! Meniń jazǵan sońǵy postymdy oqyńyz da bul postty óshire salyńyz. Alla keshirsin», «Janarık myna postyńdy alyp tasta»,- dep ótinish jazǵan. Alaıda, Janar Baısemizovanyń ınstagram jelisinde tikeleı efırde aıtqan sózine qaraǵanda, bul jazba eshqashan óshpeıtin sıaqty. Degenmen, qarapaıym halyqtyń da, myńdaǵan oqyrmandarynyń da, tanymal tulǵalardyń, tanys, janashyrlarynyń da sózine qulaq aspaǵan Janar hanym: «Meniń jazbamnyń astyna tanymal adamdardy belgilemeı-aq qoıyńyzdar. Olar ózderiniń ánin aıtyp, jumysyn jasap júre bersin. Postty alyp tasta dep ótinish aıtqandar: Bul jazba sol jerde qalady», -dedi.

 

 

 

Posmotret etý pýblıkasıý v Instagram

 

 

«Bir aı boıy oraza tutý Quranda joq» Maqala "JAS ALASH" gazetinen alyndy. zhasalash.kz @_zhas_alash_ _____________________________________ Oraza tutý máselesi Ibragım paıǵambar arqyly taramdalǵan birqudaılyq rasıonal dinnen bastaý alady. Bul rásim ıýdaızm men hrıstıan dástúrinde de kórinis tapqan. Biraq hrıstıan dinindegi 40 kúndik oraza (Isa paıǵamdardyń shóldegi qıyndyqqa tap bolýy) Kıeli kitaptarǵa qatysty másele emes, bul dástúr retinde keıin qalyptasqan rásim. Týra osyndaı qıasty ıslam dinindegi «30 kún orazaǵa» qatysty aıtýǵa bolady. Shyndyǵynda, Ramazanda bir aı boıy oraza tutý Quranda joq, bul arab halqynyń ejelgi salt-dástúri ǵana. Eger Qudaıdyń sózine — Quranǵa ǵana súıensek, bul Kıeli kitaptaǵy oraza jónindegi sózdiń tórkini Táýrattaǵy Iom Kıpýr orazasymen ǵana baılanysyp tur. Iaǵnı, ıslam dinindegi oraza tutý máselesi ıýdaızmdi negizdeıtin Kıeli kitaptan bastaý alyp otyrǵanyn kóremiz jáne Táýrattaǵy osy prınsıp Quranda da kórinis taýyp, musylmanshylyqtyń negizgi ustanymdaryna aınalyp otyr. Quranda oraza tutý jóninde 2-súreniń (Baqaranyń) 183-aıattan bastap aıtylady. Ári qaraı orazany kimderdiń tutý-tutpaýy jáne oraza tuta almaı qalǵan jaǵdaıda qandaı amal isteý qajettigi túsindiriledi. Biraq 2-súreniń 183-aıatynda orazanyń paryz ekeni aıtylmaǵan. Atalǵan aıat arabshadan aýdarsaq, mynandaı túsinik beredi: «Áı múminder! Burynǵylarǵa usynys etilgendeı senderge de oraza usynyldy. Saqtyqpen qaraǵaısyńdar!». Mundaǵy «usynys» sózi orazanyń paryz (mindet) ekenin aıshyqtap turǵan joq. Sondaı-aq, «saqtyq» jónindegi eskertpege de nazar salǵan jón. Orazany qansha kún tutý kerek? Bul suraqty Qurannyń birneshe aıatyna analız jasap tabymyz. Mysaly, 184-aıatta «sanaýly kún» (arabsha ma dýdatı – sanaýly, az, sırek maǵynasynda) dep aıtylady. «Bir aı» («30 kún») degen sóz joq. «Sanaýly» dep aıtylýyna qaraǵanda, ol sanaýǵa jeńil san, ıaǵnı ol adam qolynyń saýsaqtarynyń sanyna qatysty sıfr. Munyń dál osyndaı ekeni basqa aıattarda da dálelin tapqan. Densaýlyǵy jaqsy, alys saparda qınalyp júrgen emes, solaı bola tura oraza tuta almaı ózin kináli sezinetin adam «10 kedeıdi» tamaqatandyrýy izgi amal bolyp esepteledi. Al ondaı amal jasaýǵa... #jalǵasykomentte

Pýblıkasıa ot Janar Baısemiz-Kolesnıkova (@janar_baisemizova) 7 Maı 2019 v 10:32 PDT

Árıne, aqıqaty Allaǵa aıan. Degenmen, mundaı salmaǵy aýyr jazba salmas buryn telejýrnalıstiń de on oılanyp, júz tolǵanǵany ras-aý. Tek bir suraq: kózdegeni ne, haıp pa, laık pa? Munysy ózine aıyp pa, álde aýzyna qarap, ár sózin jaqut sanap júrgen qalyń oqyrmanyna aıyp pa?

Onsyz da oıy san-saqta adasyp, din degende úrke qarap júrgen qazaq úshin bul da bir soqqydaı tıgeni anyq. İzine erip júrgeniń dalaǵa emes, molaǵa súırep bara jatqandaı kúı keshken oqyrmandary endi ne ister eken? Janar hanymnyń jazbalaryn ary qaraı oqı bere me, álde áldeqashan jazylýshylary qatarynan shyǵyp ketti me?

Usynǵan: Maqpal Sembaı