Jankúıerlerine sálem joldap júrip, muz ústindegi qyzyl kilemge qulaǵanyna qaramastan, Vladımır Pýtınniń komandasy teketireste jeńiske jetken dep habarlaıdy Qamshy.kz aqparat agenttigi.
"Hokeı ańyzdary" bul machta "NHL quramasyna" qarsy oınap, 14:7 esebimen jeńiske jetti. Ózine 11-nomerdi tańdaǵan Reseı Federasıasynyń prezıdenti qarsylas komandanyń qaqpasyna toǵyz shaıba soqqan.
Prezıdentpen birge atalmysh machqa Qorǵanys mınsıtri Sergeı Shoıgý, belgili hokeıshiler Vácheslav Fetısov, Pavel Býre, Alekseı Kasatonov, Vıktor Shalımov qatysqan.
Sochı qalasyndaǵy "Bolshoı" muz aıdynynda ótken kezdesýde Vladımır Pýtın Túngi hokeı lıgasynyń (NHL) 8-maýsymynyń aıaqtalýymen quttyqtap, sportshylarǵa sertıfıkattar tabystady.
Sondaı-aq, atalmysh lıganyń "Áýesqoılar 40+" dıvızıonynda jeńiske jetken "Skon-Ýral" komandasy prezıdent qolynan jabyq muz aıdynyn turǵyzýǵa sertıfıkat aldy.
"Qazir Túngi hokeı lıgasynda myńnan astam komanda baq synaýda. Fınaldyq básekeniń ózinde atalmysh týrnır 162 komandanyń basyn Sochıde qosty. Bul – úlken básekelestik. Áýesqoılardyń ózi óte keremet oınaıdy", - dedi memleket basshysy.
Marapattaý rásimine Pýtınmen birge belgili hokeıshi, Túngi hokeı lıgasy ardagerleri keńesiniń prezıdenti Aleksandr Iakýshev qatysty.
Usynǵan: Ádilet Mádenıet
