1933 jyly Perýdiń Tıkrapo aýylynda turatyn kedeı otbasynda Lına Medına esimdi qyz dúnıge keldi. Biraq ol kezde bul qyzdyń arada bes jyl ótken soń eń jas ana atanyp tarıhta qalatynyn eshkim bilgen joq dep jazady Qamshy.kz aqparat agenttigi.
Medına bes jasqa tolǵanda anasy qyzynyń ishi shyǵyp, tym úlkeıip ketkenin ańǵarady, qyzy da ishiniń aýyratynyn aıtyp kóp shaǵymdanatyn. Qyzdarynyń densaýlyǵyna alańdaǵan ata-ana jaqyn mańdaǵy aýrýhanaǵa jetkizedi. Alǵashynda ań-tań bolǵan dárigerler qyzdyń ishiniń úlkendigin belgisiz isik dep joramaldaıdy. Tek saraptama nátıjeleri shyqqan soń ǵana qyzdyń aıaǵy aýyr ekeni anyqtalady.
Osy oqıǵadan bir jarym aı ótken soń, 1939 jyldyń 14-mamyrynda Medına "kesar tiligi" ádisi arqyly ul balany dúnıge ákeledi. Bir qyzyǵy, balanyń densaýlyǵy qalypty, salmaǵy 2,7 kg bolyp dúnıge keledi. Medına ulyna ózin bosandyrǵan dáriger Jerardo Lozadonyń esimin beredi.
Jerardo 10 jasqa tolǵansha, Medınany ápkesi dep oılap ósedi. Tek 10 jasqa tolǵan kezde ǵana bar shyndyqty estıdi.
Akýsher Hose Sandovaldyń 2002 jyly jaryq kórgen kitabynda, Medınanyń psıhologıalyq turǵydan qalypty bala bolǵany aıtylǵan. Tym erte ana ataný qyz balanyń psıhologıasyna qatty áser etpegen. Dárigerdiń sózinshe, Medına balasyna qaraǵannan góri, qýyrshaqtarmen oınaǵandy jaqsy kórgen.
Sýrette sol jaqta – 18 jasar Jerardo, janynda – 23 jasar anasy Medına
Medına Raýl Hýrado esimdi adamǵa turmysqa shyǵyp, 1972 jyly taǵy bir uldy dúnıege ákeledi. Lına Medına 2015 jyly 8-qarashada júrek talmasynan qaıtys bolǵan.
Aýdarǵan: Dáýren Sybanbaı
