Aqtaý qalasyndaǵy №6 orta mekteptiń bazasynda ınklúzıvti bilim berýdi qoldaý maqsatynda resýrstyq kabınettiń saltanatty ashylýy ótti.  Resýrstyq kabınet Mańǵystaý oblysy bilim basqarmasy men «Dara» qorynyń «KEDERGİSİZ MEKTEP» atty birlesken jobasy aıasynda QazaqstandaǵyAQSH Elshiliginiń shaǵyn granttar baǵdarlamasynyń qoldaýymen ashyldy.

Inklúzıvti bilim berý - bilim berýdiń sapasyn qamtamasyz etýge baǵyttalǵan bilim berý júıesiniń transformasıaly baǵyttarynyń biri. Inklúzıvti oqytý jalpy bilim berý ortasynda fızıkalyq, ıntellektýaldyq jáne basqa da erekshelikterine qaramastan, balalardy jalpy oqytý ortasyna  qosýdy qamtıdy.

«Kedergisiz mektep» jobasy «Dara» Qorynyń oblystyq bilim basqarmasymen birliginde Qazaqstandaǵy AQSH elshiliginiń «Shaǵyn granttyq» baǵdarlamasynyń qoldaýymen júzege asyrylady.  Jobanyń maqsaty erekshe qajettilikteri bar balalardyń mektepte bilim alýyna jaǵdaı jasaý, atap aıtqanda: erekshe qajettilikteri bar balalardyń ata-analaryna keńes berý jáne kómek kórsetý, ınklúzıvtik bilim berý tájirıbesin júzege asyratyn muǵalimderdi ádistemelik qoldaý, sondaı-aq úıde oqıtyn balalardy áleýmettendirý.  Osy jobanyń sheńberinde ınklúzıvti resýrstyq kabınet  Petropavlda 2019 jyldyń aqpan aıynda ashyldy.

 Aqtaýdaǵy № 6 orta mekteptegi ınklúzıvti bilim berýdiń resýrstyq kabıneti - bul tórt aımaqtan turatyn keńistik: ata-analar keńesi aımaǵy,balanyń demalys aımaǵy, muǵalimder men mamandardyń toptyq jumysy aımaǵy, sondaı-aq jeke sabaqtar ótkizý aımaǵy.  Osylaısha, mektepte kez-kelgen tulǵany damytý úshin ár túrli atmosfera men jaǵdaılar jasalady.  

Aldaǵy ýaqytta resýrstyq kabınettek ózderiniń emes, qalanyńbasqa da mektepterindegi erekshe qajettilikteri bar balalarǵa qyzmet kórsete alady.

 Resýrstyq ortalyq jumysy úıden oqytylatyn balalarǵa  erekshe nazar aýdarady. Joba sheńberinde balalarmen aralasý jáne qarym-qatynas jasaý maqsatynda ártúrli synyptan tys bilim berý is-sharalary uıymdastyrylady. Osyǵan deıin mektep oqýshylary qalanyń okeanarıýmyna, teatrlandyrylǵan qoıylymdarǵa bardy jáne josparlarǵa sáıkeskınoǵa, teatr qoıylymdaryna, aspazdyq sheberlik klastaryna barý uıymdastyrylady.  

Budan basqa, «Kedergisiz mektep» jobasy sheńberinde muǵalimderdi turaqty túrde oqytý, basqa mektepterdiń pedagogtarymen tájirıbe almasý, bilim berýdiń komandalyq jumysy men túzetýdi qoldaý jumysy josparlanǵan.