Merkel Ramazan aıynda musylman kásipkerlerdi salyqtan bosatty dep jazady Qamshy.kz aqparat agenttigi fedpress.ru saıtynyń deregin negizge alyp. Salyqtan bosatylǵandardyń qatarynda musylmandarǵa arnalǵan saýda oryndarynyń basshylary, kafe-restorandardyń ıeleri bar. Angela Merkeldiń aıtýynsha, bul olardyń óz taýary men qyzmetiniń baǵasyn tómendetýge yqpal etedi.

Bul jarlyqtyń basty maqsaty oraza kezinde kásipkerlerdi óz taýarlarynyń baǵasyn arzandatýǵa shaqyrý. Iaǵnı, bul jeńildik oraza ustaǵan basqa da musylmandardy qoljetimdi azyq-túlikpen qamtamasyz etip, arzan baǵada qyzmet kórsetý úshin jasalǵan. 

"Germanıadaǵy musylmandardyń kópshiligi qurmetti ári meıirimdi. Sondaı-aq olar eldegi barlyq Konstıtýtsıa talaptary men erejelerin múltiksiz oryndaıdy. Islam dini Germanıa eliniń bir bóligine aınalǵanyn jasyra almaımyz", - deıdi Merkel. Sondaı-aq Merkel bılik kez kelgen dinge qurmetpen qaraıtynyn atap ótti. 

Aýdarǵan: Ásel Bolatqyzy