Depýtat Gúljan Qaraǵusova, Ulttyq bank Ulttyq qordaǵy qarjy tapshylyǵyn sheshý úshin zeınetaqy qorynyń salymshylarynyń aqshasyn paıdalanýy múmkin, - degen alańdaýshylyǵyn jetkizdi. Sonymen qatar ol, BJZQ-nyń negizgi mindeti salymshylardyń aqshasyn saqtap qana qoımaı, ony kóbeıtý joldaryn qarastyrýy da kerek ekenin  atap ótti dep habarlaıdy Qamshy.kz aqparat agenttigi tengrinews.kz saıtyna silteme jasap.

Búdjet kodeksine sáıkes zeınetaqy qorynyń aktıvterin basqarý qyzmeti Ulttyq qordyń Basqarma keńesine berilgen. Ulttyq bankke depýtattardyń qoıar saýaldary kóp.

«Men qazir zeınetkermin, jınaǵan salymym teńizge tamǵan tamshydaı. Biraq meniń balalarymnyń jınaǵany (bar)... Biz azamattardyń jeke salymy týraly aıtyp otyrmyz. Memleket tek qana saqtaý úshin ǵana emes, atalǵan jınaqty kóbeıtýge de kepil bolady. Óıtkeni árbir azamat zeınetkerlikke shyqqan kezde óziniń salǵan aqshasyn tolyq alýǵa quqyly», - dep atap ótti Qaraǵusova.

Sonymen qatar ol ártúrli qyzmetterdiń birlesýi qysqa merzim ishinde mindetterdi biriktirýge ákelýi múmkin degen alańdaýshylyǵyn bildirdi.

«Ulttyq qorda aqsha jetkiliksiz be, onda qaterdi tolyq zerttemeı-aq zeınetaqy qorlaryn bereıik? Bizde Biryńǵaı jınaqtaýshy zeınetaqy qorynda qazirdiń ózinde máseleler jetkilikti. Men osydan qaýiptenemin. Sonda qyzmettik mindetterdiń arasy qalaı ajyratylmaq?», - dep qyzyǵýshylyq tanytty depýtat.

Oǵan jaýap retinde Smolákov,  salymshylarǵa óz qarajattaryn basqarýǵa múmkindik beretin gıbrıdti júıeni engizý jospary bar ekenin eske saldy.

Usynǵan: Marjan Sábet