BANK RBK AQ dırektorlar keńesiniń eks-tóraǵasy birneshe mıllıardty jymqyryp ketkeni úshin izdeýde júrgen. Ótken juma kúni ol Reseıden Qazaqstanǵa ekstradısıalandy dep habarlaıdy Qamshy.kz aqparat agenttigi Bas prokýratýranyń bspasóz qyzmetine silteme jasap.

"Bas prokýratýra qyzmetkerleriniń eńbeginiń arqasynda Jomart Ertaev qylmystyq jaýapkershilikke tartý úshin Reseıden ekstradısıalandy", - delingen arnaıy málimdemede.

Ótken jyldyń naýryz aıynda Jomart Ertaevqa BANK RBK AQ-daǵy qyzmettik shenin paıdalanyp, 2011-2017 jyldar aralyǵynda 144 mıllıard teńgeni jymqyrdy degen aıyp taǵylyp, halyqaralyq izdeý jarıalanylǵan.

Jomart Ertaevpen birge bul qylmysqa qatysy bar adamdar retinde 54 adam kúdikti retinde tirkelgen. Olardyń 41-i top-menedjerler bolsa, qalǵandary qatardaǵy qyzmetkerler. Biraz ýaqyt buryn banktiń ekstradısıalanǵan úleskeri Baqyt Ibragım, I. Majınov, D. Týǵanbaı, D. Edigenev, A. Mamyrbekov, T. Sháripov te bar bul qatarda.

Tergeý amaldary barysynda 15 mıllıard teńge qaıtarylyp, 48 mıllıard teńgeniń múlkin qoldanýǵa tyıym salynǵan.