1. Kóshbasshy. Siz árdaıym óz qalaýyńyzǵa qol jetkizesiz. Eshqashan oıyńyzdy jasyrmaısyz jáne adamdarǵa týrasyn aıtqandy janyńyz súıedi. Siz ótirik aıtýǵa úırenbegensiz. Ashyqtyǵyńyz ben týrashyldyǵyńyzdyń arqasynda aınalańyzdaǵy adamdar sizdi syılaıdy. Qandaı bastamany qolǵa alsańyz da sizge shynaıy qoldaý bildiretin dostaryńyz óte kóp.

2. Qorǵaýshy. Siz aınalańyzdaǵy adamdarǵa únemi qamqorlyq tanytyp júresiz. Jáne janyńyzdaǵy joldasyńyzdy eshqashan qıyn jaǵdaıǵa qaldyryp ketpeısiz. Meıirimdilik pen jaqsylyq erte me, kesh pe jeńiske jetetinine senesiz. Al ózińizdiń múddeńizdi árdaıym sońǵy orynǵa qoıasyz. Qolyńyzdaǵy sońǵy asyńyzdy tanymaıtyn adamǵa berýge daıynsyz.

3. Danyshpan. Álemniń qupıasyn tanýǵa umtylasyz. Osy sýretti tańdaǵan bolsańyz, siz árdaıym bolǵan jaıttyń aqıqatyn ashýǵa tyrysasyz. Tez sheshim qabyldaısyz. Ýaqytyńyzdyń kóp bóligin ózińizdi damytýǵa jumsaısyz. Janyńyz tynyshtyqty súıedi. Tabıǵat aıasynda serýendegendi unatasyz. Qalanyń qym-qýyt tirshiligi sizdi tez jalyqtyrady.

4. Armanshyl. Siz qıalǵa erik beresiz. Sonymen qatar ishki túısigińiz sizdi aldamaıdy dep senesiz. Sheshim qabyldarda eshqashan qatelespeısiz. Keıde aınalada bolyp jatqan oqıǵalarǵa shynaıy kózqaraspen qaraýdy umytyp ketesiz. Keıde óz álemińizge enip, ózgelerdi kózge ilmeıtin sátterińiz bolady. Sizdi túsiný óte qıyn.

5. Ustaz. Siz úshin tek qana sizdiń durys pikirińiz ben ózgelerdiń burys pikiri ǵana bar. Siz ózińizdiń aqıqatyńyzǵa ǵana senesiz. Ózgelerdiń pikiri siz úshin mańyzdy emes. Sonymen qatar óz oıyńyzdy ózgelerge jetkizýge, olardy ózińizdiń múddeńiz boıynsha tárbıeleýge qumarsyz. Keıde pikirtalastarǵa aralasyp, olar sizdiń oıyńyzben kelispese renjip te qalasyz.

6. Kóńildi jan. Qandaı ortada bolmasyn ózińizdi erkin ustaısyz. Kóńildi minezińiz barlyǵyna da unaıdy. Kez kelgen adammen ońaı til tabysyp ketesiz. Janyńyzdaǵy adamnyń boıyndaǵy shynaıylyǵyn joǵary baǵalaısyz. Sizdiń janyńyzdyń tazalyǵy men ómirge degen qushtarlyǵyńyz úshin adamdar únemi janyńyzdan tabylady.

Derekkóz: prelestno24.ru

Aýdarǵan: Marjan Sábet