Almaty oblysynda eki sheteldik azamat kólik urlap ustaldy, dep habarlaıdy Qamshy.kz aqparat agenttigi Zakon.kz saıtyna silteme jasap.

Almaty-Bishkek tas jolynda jol polısıasy Almaty qalasynda urlanǵan Toyota Land Cruiser Prado avtokóligin anyqtaǵan.

15 mamyrdan 16 mamyrǵa qaraǵan túni Toyota Land Cruiser Prado avtokóligi urlandy degen habarlama túsken. Avtokóliktiń qaı jerde ekenin anyqtaý úshin oblys polıseıleri ustaý josparyn jarıalap, respýblıkalyq Almaty-Bishkek tas jolynda 95 km jerden kólik urlaǵan sheteldik azamattardy ustady.

Avtokóliktiń ishinde eki azamat bolǵan. Onyń biri Reseı, ekinshisi – Tájikstan azamaty. Ustalǵandar kólikti Almaty qalasynda tanymaıtyn adamnan satyp alǵanyn aıtqan.

Avtokólikti ustalǵandarmen birge Almaty qalasyna jetkizip, qalalyq polısıaǵa tapsyryldy. Ustalǵandar shyn máninde kólik urlady ma, álde alaıaqtarǵa aldandy ma, ony aldaǵy ýaqytta Almaty polısıasy anyqtaıdy.

Usynǵan: Marjan Sábet