28 maýsymda qazaqstandyq jas ánshi Erjan Maksım Nur-Sultan qalasynda jeke án keshin beredi dep habarlaıdy Qamshy.kz aqparat agenttigi Sputnik Qazaqstan saıtyna silteme jasap.

"28 maýsymda "Qazaqstan" ortalyq konsert zalynda Erjan Maksımniń konserti ótedi", - dedi brıfıńte mádenıet jáne sport mınıstri Arystanbek Muhamedıuly.

Jas darynnyń shyǵarmashylyq keshin mádenıet jáne sport mınıstrligi uıymdastyryp jatyr.

Konsertte, sonymen qatar, ánshi Sáken Maıǵazıev, Móldir Áýelbekova, Renat Gaısın, Aıqyn Tólepbergen óner kórsetedi degen jospar bar.

Eske salsaq, Erjan Maksım Reseıdiń "Golos.Detı" jobasynyń altynshy maýsymyna qatysyp, ekinshi oryn alǵan Oraldan shyqqan ónerpaz bolatyn. Alaıda, daýys berý kezinde zańsyz áreketter oryn alǵandyqtan, Birinshi arna baıqaý nátıjesi kúshin joıǵanyn málimdedi. 

Oqı otyryńyz, ♦Birinshi arna "Golos.Detı." baıqaýy nátıjesiniń kúshin joıdy

Usynǵan: Maqpal Sembaı