"Taqtar oıyny" serıalynyń sońǵy bóliminde kúlkili jaǵdaı oryn aldy. Plasıkten jasalǵan zamanaýı qos bótelke kadrǵa túsip qaldy dep habarlaıdy Qamshy.kz aqparat agenttigi Tjournal.ru saıtyna silteme jasap. 

20-mamyr kúni atalmysh serıaldyń sońǵy bólimi kórermen nazaryna usynylǵan. Tórtinshi serıada bir shyny kofe kameranyń jiti nazarynan qashyp qutyla almaı, sol kúıi jaryqqa shyǵyp ketken edi. Kúlkili jaǵdaı altynshy serıada qaıtalanyp otyr. Bul joly ortaǵasyrlyq mádenıettegi adamzat balasynyń túsine kirip-shyqpaıtyn plasıkten jasalǵan qos quty kadrde anyq kórinip qalǵan.

Jaýapty ókilder áli bul jaǵdaı týraly pikir bildirgen joq. Kofe máselesi týǵan kezde serıaldy túsirýshi kompanıa qateligin moıyndap, jaǵdaıdy rettegen edi.

Usynǵan: Ádilet Mádenıet