Germanıada Lillium kompanıasy qurastyrǵan ushatyn taksıdiń alǵashqy kórsetilimi ótti dep habarlaıdy Qamshy.kz aqparat agenttigi kompanıanyń resmı saıtyna silteme jasap.

Jańa zamannyń jańasha taksıine "Lillium Jet" degen ataý berilgen. Ushatyn taksı barlyq jattyǵý jumystaryn sátti aıaqtady.

"Lillium Jet saǵatyna 300 shaqyrym qashyqtyqty baǵyndyrýǵa qabiletti. Biz bul jyldamdyq arqyly tek qala ishin emes, qalalardy qalalarmen baılanystyra alamyz", - deıdi óndirýshi kompanıa ókilderi.

Tolyqtaı elektr qýaty arqyly jumys jasaıtyn Lillium Jet-te 36 elektrli qozǵaltqysh ornatylǵan. Bul qozǵaltqyshtar jyldamdyqty eseleýge, qozǵalqysh jumys jasap turǵanda shyǵatyn shýdy tómendetýge, ushý barysynda qaýipsizdikti qamtamasyz etýge qyzmet etedi.

Ushatyn taksı 5 jolaýshyǵa laıyqtap jasalynǵan. Kompanıa ókilderiniń málimetine súıensek, aero-taksıdiń óndirisi 2020 jyldan bastalmaq.  

 Aýdarǵan: Dáýren Sybanbaı