Bul test sizdiń shynaıy bet-beıneńizdi, jan dúnıeńizdegi ózińizge ǵana málim minez-qulqyńyzdy ashyp kórsetedi.

Sýrettegi ózińizge unaǵan kesteli órnektiń birin tańdańyz. Kóp oılanýdyń qajeti joq, kózińizge qaısysy birinshi tússe, sol sizdiń jan dúnıeńizdiń aınasy bolmaq. Testiń qorytyndylaryn tómennen oqı alasyz...

1. Bul órnek, dál qazirgi sátte sizdiń minezińizde ýaqytsha qubylystar bolyp jatyr dep kórsetedi. Ádette bul sýretti qazirgi sátte ózine-ózi kóńili tolmaıtyn jáne jaǵdaıdy jaqsy jaǵyna ózgertkisi keletin adamdar tańdaıdy. «Ol jerde baqytty bolý úshin barlyǵy bar, biraq men ol jerde emespin. Bolashaqta mindetti túrde sol jerde bolamyn», - degen boılaryna shegelep qaqqan urany bar. Bul adamdardyń negizgi qasıeti – dúnıeni tanyp-bilýge umtylý, batyldyq jáne barlyq jańashyldyqqa qyzyǵýshylyq tanytý. Ózgeristi jan-tánimen qalaıdy. Osy órnekti tańdaǵan adamdar uzaq ýaqyt boıy bul jaǵdaıda júre bermeıdi. Óıtkeni bul belgi ýaqytsha degendi bildiredi. Iaǵnı, ýaqyt óte kele bul órnekti tańdaǵan adamnyń minezi basqa órnektegi sıpattamaǵa aýysýy múmkin.

2. Olar ádette shydamdy, tabandy jáne óz isine adal jandar. Bolmaǵan iske qolyn bir siltep, «Báribir túk shyqpaıdy» dep aıtý sizdiń ómir súrý saltyńyzda joq. Ekinshi sýretti tańdaǵan jandar alǵa qoıǵan maqsatyna aqyryn júrip, anyq basyp jetedi. Jáne oǵan jetpeıinshe toqtamaıdy. Sonyń arqasynda olardyń ishinen naǵyz kásibı mamandar shyǵady. «Soǵys – soǵyspen, al túski as ýaqyt boıynsha» degen sózdi osy sýretti tańdaıtyn adamdar shyǵarǵan bolýy kerek. Óziniń belgilep qoıǵan jumysynan ózge is týyndaı qalsa, birden qabaǵy shytylyp shyǵa keledi. Olardyń oıynsha, ómir tek josparmen ǵana ótý kerek. Olar barlyǵynyń jınaqy, óz ornynda turǵanyn qalaıdy. Tosyn syılardy asa unata bermeıdi. Al kútpegen jerden bolǵan ózgeristi múldem qalamaıdy.

3. Shyǵarmashylyqpen aınalysatyn, ózgeshe oılaıtyn tulǵalar. Olar jaýyry shyqqan joldarmen júrgendi, qatyp qalǵan qaǵıdalardy ustanýdy unatpaıdy. Kerisinshe árdaıym ózgeshe jolyn izdep, erekshe tásilin tabady. Olardyń arasynda óte tartymdy adamdar óte kóp. Olardy ashýlandyrý ońaı. Minez-qulqy dollardyń kýrsy óskendeı áp-sátte ózgerip shyǵa keledi. Jaqsy oratorlar, ózderiniń ushqyr oıymen únemi bólisip júredi. Tyńdaýshysy qalasa da, qalamasa da árdaıym ıdeıa tastaǵandy unatady. Keıde sabyrsyzdyq pen shydamsyzdyq tanytatyny taǵy bar.

4. Qys bolsyn, jaz bolsyn, aspannan tas jaýsyn, taý qoparylsyn aınalasyna nur shashyp júretin naǵyz kóshbasshylar. Naǵyz «Enerdjaızerler» deýge bolady. Ózderine naqty ne kerek ekenin biledi jáne óziniń degenine kúlip júrip jetedi. Jumysta basshylyqty aqylmen sendire alady jáne óziniń táýelsizdigin alǵa tartady. Olar úshin ózderiniń aıtqany zań bolý kerek sıaqty bolyp kórinedi. Olar óte myqty jandar jáne óte qaýipti qarsylas. Ómirge jeńil qaraýmen kóptegen jetistikterge jetedi.

5. Bul órnekti tańdaǵan jannyń júregi – názik. Olar ózgeler úshin ýaıymdap júredi. Ózin ózgelerdiń ornyna qoıa biledi. Basqalardyń kóńil-kúıine qaraı qubyla alady. Óte qaıyrymdy, júreginen meıirim tógilip turatyn jandar. Olar tek ózderi ǵana baqytty bolǵandy qalamaıdy. Dostarynyń, týystarynyń, jaqyndarynyń da jaqsy ómir súrýi úshin baryn salady. Ózgelermen janjaldasqysy kelmeıdi, kerisinshe daýdyń basyn sheshýge umtylady. Keıde olar úshin tatýlyq – aqıqattan da joǵary. Bul jandardyń 99 paıyzy birinshi bolyp mámilege keledi.

 Oqı otyryńyz: 

♦ Psıhologıalyq test: Ózińizge unaǵan sýret arqyly minez-qulqyńyzdy anyqtańyz