Google basshylyǵy Huawei Technologies kompanıasymen seriktestik ornatýdan bas tartý týraly sheshim shyǵardy. AQSH-tyń Saýda mınıstrligi qytaı kompanıalaryn qara tizimge engizýge nıetti ekendikterin habarlaǵannan keıin osy sheshim shyǵyp otyr dep habarlaıdy Qamshy.kz aqparat agenttigi RBK  saıtyna silteme jasap.

Bul degenimiz, Huawei aldaǵy ýaqytta Android operasıalyq júıesiniń jańartýlaryna qoljetkizý múmkindiliginen aıyrylady. Al smartfondardyń jańa úlgilerinde  Google Play Store jáne Gmail baǵdarlamalary bolmaıdy.

Sonymen qatar, Huawei smartfondarynyń keıbiri Android júıesin paıdalana alady. Ol tek ashyq derekkózderde saqtalǵan nusqasynda ǵana múmkin bolmaq. Al tehnıkalyq kómekke qytaılyq kompanıa júgine almaıdy.

Google kompanıasy, atalǵan qosymshalar burynnan bar Huawei smartfondarynyń qoldanýshylary ony ary qaraı da tutyna beretinin resmı túrde málimdedi.

Reuters atap ótkendeı, Huawei-ge qatysty jaǵdaı AQSH pen Qytaı arasyndaǵy ekonomıkalyq qaqtyǵystyń jalǵasy bolyp otyr. Vashıngton óz talaptarymen Pekındi jańa saýda kelisimine qol qoıdyrýǵa úgittep jatyr. Alaıda qazirgi tańda eki jaq bitimge kelgen joq.

Daıyndaǵan: Marjan Sábet