Atyraýda aǵymdaǵy jyldyń sońyna deıin qaıta jańǵyrtylǵan Isataı - Maxambet alańy ashylady. Ashylý saltanaty bıylǵy jyldyń sońyna josparlanǵan, dep habarlaıdy  Qamshy.kz aqparat agenttigi Atyraý oblysynyń Óńirlik komýnıkasıalar qyzmetiniń deregin negizge alyp.

Bul týraly «BatysAlánsStroı» JSHS bas dırektory Ádil Jubanov málimdedi. Onyń aıtýynsha, joba qurylysyna aldyńǵy qatarly ınjenerlik tehnologıalardy qoldanady.

— Alańǵa 50 myń sharshy metrdi quraıtyn avtomatty sýarý múmkindigi bar 2000-ǵa jýyq gúlzarlar ornalastyrylady, osylaısha adam faktory tolyǵymen alynyp tastalady. Sýarý júıesi kompútermen basqarylatyn bolady. Sol tehnologıamen alty baseın men sýburqaq jumys isteıdi. Qazirgi ýaqytta qaptaý jáne montajdaý jumystary júrgizilýde. Bul úshin barlyq zamanaýı materıaldar, granıt jáne mármár qoldanylady, - dedi «BatysAlánsStroı» JSHS bas dırektory Ádil Jubanov.

Usynǵan: Ásel Bolatqyzy