"14 mamyrda qalanyń Gaýdan yqsham aýdanyndaǵy №84 balabaqsha aýlasynda kishkentaı ıtti jańa týǵan kúshikterimen birge armatýramen uryp óltirdi. Bul ýaqytta balabaqshada balalar bolǵan". Onyń aıtýynsha, ıtterdi Begench atyndaǵy komýnaldyq qyzmet ókili óltirgen.

Bul oqıǵaǵa kóp adam kýá bolǵan. "It uzaq úrdi, sosyn ulydy. Kórshi úılerdiń terezelerinen turǵyndar qarap turdy, biraq eshkim arasha túspedi. Kúshikteri bar ıt balabaqshany panalaǵan, adamdardan tyǵylyp jatqan, biraq mekeme meńgerýshisi ıt óltiretin qyzmetti shaqyrǵan", - dedi kýágerlerdiń biri.

Bul ýaqytta Túrikmenstan prezıdenti Gýrbanguly Berdymuhamedov ıt týraly jańa kitabyn 16 mamyrda Kopetdag taýlaryndaǵy Aqalteke jylqy kesheninde jaza bastaǵan.

Memlekettik baspasózderdiń habarlaýynsha, sol kúni prezıdent Berdimuhamedov Shapolat atty aqaltekemen serýendegen, odan soń jańa týǵan alabaı kúshikterine at qoıǵan, sosyn baryp jumys keńsesinde ıttiń osy túri týraly kitap jaza bastaǵan.

Bıyl aqpan aıynda memleket basshysy ıtterge arnalǵan klınıka ashýdy tapsyryp, "túrkimen halqy úı janýarlaryn árdaıym qasterlegenin" aıtqan. Bir aptadan soń eldegi kásipkerler prezıdent ýáde etken klınıkany ashýǵa 62 000 dollar jınaǵan.

Usynǵan: Ásel Bolatqyzy