Armenıada halyq sot ǵımarattaryn qorshap aldy dep habarlaıdy Qamshy.kz aqparat agenttigi Deutsche Welle saıtyna silteme jasap.

19-mamyr kúni Armenıa premer-mınıstri Nıkol Pashınán Facebook paraqshasynda Armenıa halqyn sot ǵımarattaryn qorshap alýǵa shaqyrǵan bolatyn. Sol úndeý negizinde búgin Erevanda jáne eldiń basqa da qalalarynda turǵyndar sot ǵımarattaryn qorshap aldy. Sonymen qatar, Pashınán jergilikti ýaqytpen saǵat 12-de eldegi sot júıesin túbegeıli ózgertetin "revolúsıanyń ekinshi ári eń basty kezeńin" jarıalaýǵa ýáde berdi.

Óz kezeginde, Armenıa prezıdenti Armen Sarkısán azamattardy sabyr saqtaýǵa shaqyryp, konstıtýsıa talaptaryn buzbaýdy qatań eskertti.

Esterińizge sala keteıik, 18-mamyrda sot "konstıtýsıalyq qurylymdy qulatýǵa áreket jasady" degen aıyppen tutqyndalǵan eks-prezıdent Robert Kocharándy bosatqan bolatyn. Osy oqıǵaǵa narazylyǵyn bildirgen premer Pashınán eldegi revolúsıanyń ekinshi kezeńi bastalǵanyn habarlady. Revolúsıanyń birinshi kezeńi – Nıkol Pashınán bılikke kelgen 2018 jyldyń kúzinde bolǵany belgili.

Aýdarǵan: Dáýren Sybanbaı