Aldaǵy saılaýda daýys berýshilerge beriletin saılaý búlletenderinde "Bárine qarsymyn" degen grafa bolmaıdy. Suraqtyń jaýabyn TMD atqarý komıtetiniń tóraǵasynyń birinshi orynbasary Vıktor Gýmınskıı túsindirip berdi dep habarlaıdy Qamshy.kz aqparat agenttigi Zakon.kz saıtyna silteme jasap.

"Bul grafanyń joqtyǵyna kelsek, saılaýǵa barý nemese barmaý – azamattardyń óz erki. "Saılaý týraly" zańda jazylǵandaı, saılaý erkin ótedi, bireý bireýdi saılaýǵa barýǵa májbúrleı almaıdy. Bul – azamattardyń jeke quqyǵy. Halyq ózi biledi, bara ma, barmaı ma?! Sondyqtan saılaýǵa baryp turyp, "bárine qarsymyn" dep daýys berip ketkennen elge paıda joq. Bul – endi meniń jeke pikirim, bul pikirimdi odan ári órbitpeı-aq qoıaıyn, óıtkeni ol endi saıası aspektke aýyp ketedi. Al bizdiń mısıamyz túrli saıası momentterden aýlaq bolý", – dedi ol.

Gýmınskııdiń aıtýynsha, keıbir elder shynynda da saılaý búlletenderinde "Bárine qarsymyn" degen grafany alyp tastaǵan.

"Mysaly, Belarýste "Bárine qarsymyn" grafa áli de bar. Keı elderde ondaı joq. Ár eldiń óziniń ulttyq erekshelikteri bolady, bizdiń oǵan aralasýymyzǵa quqymyz joq", – dedi TMD mısıasynyń ókili.

Usynǵan: Ádilet Mádenıet