Osy kúnge deıin Qazaqstan musylmandary dinı basqarmasynyń Zeket qoryna 52 682 143 teńge jınaqtalǵan. «Dinı basqarma 2013 jyldyń 1 qańtarynan bastap jınaqtalǵan qordyń esebinen ózin-ózi qarajatpen qamtamasyz ete almaıtyn 144 aýyl ımamdaryna 20 myń teńge mólsherinde jalaqy bere bastady. Bıylǵy jyldyń alǵashqy úsh aıynda QMDB Zeket qorynan ár óńirdegi ımam-moldalarǵa 7 548 000 teńge mólsherinde jalaqy berdi» delingen habarlamada. Máselen, Aqtóbe qalasy ákimshiligi din janashyrlarynyń, kásipkerlerdiń kómegi arqyly 50 400 000 teńge zeket bergen. Osy zeketten oblystyq ımam-moldalarǵa jalaqy berilip, budan bólek meshitterdiń komýnaldyq shyǵyndaryna, jóndeý jumystaryna jumsalýda eken. QMDB Zeket qory – áleýmettik, qaıyrymdylyq, mádenı, bilim berý jáne qoǵamǵa paıdaly ıgi de izgi maqsattardy júzege asyrý úshin qurylǵan komersıalyq emes uıym. Qordyń negizgi maqsaty bolsa zekettiń jınaqtalýy men taratylýyn júzege asyrý. Sonymen qatar, qordyń Jarǵysyna sáıkes, ózin-ózi qarajatpen qamtamasyz ete almaıtyn shalǵaıdaǵy aýyl meshitterindegi din qyzmetkerlerine jalaqy beriledi.